1 Kroniklys 23:28 - An Bibel Kernewek 20234 (Kernewek Kemmyn)

²⁸ Aga dever o oberi ryb tenewen an oferysi, mebyon Aron, ha dhe weres yn servis chi an Arloedh, gans charj a'n klosow, an chambouryow, purheans oll an taklow sans, hag ober arall rag servis chi Duw;

1 Kroniklys 23:28 ပူးပေါင်းရင်းမြစ်များ

1 Myghternedh 6:5

Hag erbynn fosow an chi ev a dhrehevis ystynnans a-dro dhe'n chi ha'n sentri pervedhel; hag ev a wrug chambouryow oll a-dro.

1 Kroniklys 18:17

Benaya mab Yehoyada a'n jevo charj a'n Kerethysi ha'n Pelethysi; mebyon Davydh o penn-soedhogyon yn servis an myghtern.

1 Kroniklys 23:27

rag war-lergh diwettha geryow Davydh, an Levysi a veu niverys a ugens bloedh ha moy.

1 Kroniklys 23:29

dhe weres ynwedh gans bara an wolok, an bleus fin rag an offrynn greun, tesennow tanow an bara heb goell, an offrynn pebys war veyn-pobas, an tesennow rond kemmyskys gans oyl, hag oll musuryow a vyns po a vraster.

1 Kroniklys 23:4

‘Peswar mil warn ugens anedha a'n jevydh charj a'n ober yn chi an ARLOEDH, hwegh mil a vydh soedhogyon ha breusysi,

1 Kroniklys 28:13

rag rannow an oferysi ha'n Levysi, ha rag oll ober an servis yn chi an Arloedh; rag oll an lestri rag an servis yn chi an Arloedh;

2 Kroniklys 23:4

Hemm yw an pyth y koedh dhywgh y wul: unn tressa rann ahanowgh hwi oferysi ha Levysi, hag a dheu dh'aga dever y'n sabot, a vydh gwithysi an treudhow,

2 Kroniklys 23:6

Na entres nagonan yn chi an Arloedh saw unnsel an oferysi ha'n Levysi usi ow menystra; i a's teves kummyas a entra, rag i yw sans, mes oll an tus erell a with charj an Arloedh.

2 Kroniklys 29:15

I a guntellas aga breder hag a omsakras aga honan; ena i a entras, par dell re worhemmynnsa an myghtern, herwydh geryow an Arloedh rag glanhe chi an Arloedh.

2 Kroniklys 29:5

Ev a leveris dhedha, ‘Goslowewgh orthiv Levysi! Omsakrewgh hwi, ha sakrewgh chi an Arloedh, Duw agas tasow, ha degewgh yn-mes an avlander dhiworth an tyller sans.

2 Kroniklys 31:11

Hezekia a worhemmynnis may fe gwithvaow pareusys yn chi an Arloedh; hag i a's pareusis.

2 Kroniklys 31:2

Hezekia a apoyntyas an oferysi ha'n Levysi dh'aga rannow, rann ha rann, pubonan herwydh y servis, an oferysi ha'n Levysi rag offrynnow leskys hag offrynnow kres, dhe venystra ha dhe aswonn grasow ha gormola yn yetys tyldow an Arloedh.

Ezra 8:29

Goelyewgh, ha'ga gwitha, bys pan y's poesowgh yn helyow chi an Arloedh yn Yerusalem a-rag an bennoferysi ha'n Levysi, ha pennow teyluyow Ysrael.’

Nehemia 11:24

Hag yth esa Pethahia mab Meshezabel, a vebyon Zeragh mab Yuda, ryb an myghtern rag y gusulya yn oll materyow a-dro dhe'n bobel.

Nehemia 13:9

My a erghis hag i a lanhas an chambouryow, ha my a wrug dhe dhaffar chi Duw, gans an offrynn greun ha'n frankynkys, bos dres ena arta.

Yeremia 35:4

My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Ezekiel 40:17

Ena ev a'm dros bys y'n klos a-ves, hag otta, yth esa helyow ena, ha leur a leghveyn gwrys rag an klos oll a-dro; yth esa deg hel warn ugens war an leur.

Ezekiel 41:26

Yth esa fenestri ynn gans palmys war an dhew denewen, war fosow-tenewen an portal, ha war jambouryow-tenewen an chi ha'n nenyow.

Ezekiel 42:13

Ena yn-medh ev dhymm, ‘Helyow an gogledh ha helyow an dyghow a-rag an garth yw helyow sans may hyll an oferysi dybri an taklow an moyha sans. Ena i a sett an taklow an moyha sans, an offrynn greun, an offrynn pegh ha'n offrynn kammweyth, rag an tyller yw sans.

Ezekiel 42:3

Y'n ugens kevelin esa dhe'n klos a-bervedh, hag a-dal leur-leghveyn an klos a-ves, yth esa tremenvaow yn tri nivel, haval an eyl dh'y gila.

Ezekiel 44:14

Mes my a re dhedha charj a'n tempel, rag oll y ober, ha pup-tra eus dhe vos gwrys ynno.