1 Kroniklys 22:6 - An Bibel Kernewek 20234 (Kernewek Kemmyn)

⁶ Ena ev a elwis Solomon y vab hag erghi dhodho drehevel chi rag an Arloedh, Duw Ysrael.

1 Kroniklys 22:6 ပူးပေါင်းရင်းမြစ်များ

Jenesis 12:20

Ha Faro a erghis dh'y wer yn y gever hag i a'n dannvonas yn-kerdh, ha'y wreg ha pup-tra esa dhodho.

2 Samuel 7:1

Lemmyn pan esa an myghtern trigys yn y ji, ha'n Arloedh re rosa dhodho powes dhiworth oll y eskerens a-derdro,

1 Myghternedh 2:1

Lemmyn dydhyow Davydh a dheuth nes rag ev dhe verwel; hag ev a worhemmynnis dh'y vab Solomon, ow leverel,

1 Kroniklys 17:1

Pan esa myghtern Davydh trigys yn y ji, ev a leveris dhe Nathan an profoes, ‘Otta, yth esov trigys yn chi a brenn keder, mes yma argh kevambos an Arloedh yn-dann groglennow tylda.’

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

Niverow 27:23

hag ev a worras y dhiwleuv warnodho, hag a ros dhodho charj, dell worhemmynnis an Arloedh dhodho dre leuv Moyses.

Oberow 1:2

bys y'n jydh may feu kemmerys yn-bann, wosa ev dhe ri gorhemmynnow der an Spyrys Sans dhe'n abesteli neb re dhewissa;

Dewteronomi 31:14

Ena an Arloedh a leveris dhe Moyses, ‘Otta, an dydhyow a nes rag dha vernans. Galw Yoshua ha sevewgh orth tylda an kuntelles, ha my a re dhodho charj.’ Ytho Moyses ha Yoshua a sevis orth tylda an kuntelles.

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

1 Timothi 5:21

My a'th charj a-dherag Duw ha Krist Yesu ha'n eledh dewisys may synsi an taklow ma heb ragvreus, heb gul travyth dre faverans.

2 Timothi 4:1

A-dherag Duw ha Krist Yesu neb a wra breusi an re yw bew ha'n re yw marow, my a re charj dhis, ha der y omdhiskwedhyans ha'y wlaskor: