1 Kroniklys 22:2 - An Bibel Kernewek 20234 (Kernewek Kemmyn)

² Davydh a erghis dhe'n alyons esa trigys yn pow Ysrael bos kuntellys war-barth, hag ev a settyas re anedha dhe vos treghoryon men dhe bareusi meyn rag drehevel chi Duw.

1 Kroniklys 22:2 ပူးပေါင်းရင်းမြစ်များ

2 Samuel 5:11

Myghtern Hiram a Tyr a dhannvonas kannasow dhe Davydh, war-barth gans kederwydh ha seri prenn ha seri men, hag i a dhrehevis chi rag Davydh.

1 Myghternedh 6:7

An chi a veu drehevys a veyn pareusys y'n mengleudh, ma na veu klewys morthol na boel na toul horn vyth y'n tempel pan esa ow pos drehevys.

2 Myghternedh 12:12

dhe'n seri men ha'n dreghoryon men, ha rag prena prenn ha men nedhys rag gul ewnheansow dhe ji an Arloedh, ha rag oll an kostow rag ewnheansow dhe'n chi.

2 Myghternedh 22:6

dhe'n seri prenn, dhe'n dhrehevoryon, dhe'n seri men; rag prena prenn ha men nedhys rag ewnhe an chi.

1 Kroniklys 14:1

Hiram myghtern Tyr a dhannvonas kannasow dhe Davydh, ha prenn keder, gans seri men ha seri prenn ha karpentoryon dhe dhrehevel chi ragdho.

1 Kroniklys 29:1

Davydh an myghtern a leveris dhe oll an kuntelles, ‘Solomon ow mab, onan dewisys gans Duw, yw yowynk ha heb prevyans. An ober yw meur; rag ny vydh an palys rag mab-den mes rag an Arloedh Duw.

2 Kroniklys 2:16

Ni a dregh py prennyer pynag a'th eus edhomm anedha a Lebanon, ha'ga dri dhis war skathow-kloes war an mor dhe Yoppa; ty a's deg yn-bann dhe Yerusalem.’

2 Kroniklys 2:17

Ena Solomon a niveras oll an alyons esa trigys yn pow Ysrael, haval dhe'n niveryans a wrug y das, Davydh, hag y feu kevys trydhek ha seyth-ugens a vilyow, hwegh kans.

Ezra 3:7

I a ros arghans ynwedh dhe'n seri men, ha dhe'n seri prenn; ha boes, diwes hag oyl dhe'n dus a Sidon, ha'n dus a Tyr, may trollens kederwydh a-dhiworth Lebanon dhe vor Yoppa, herwydh an kummyas a dhegemmersens dhiworth Kyrus myghtern Persia.

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.