1 Kroniklys 22:16 - An Bibel Kernewek 20234 (Kernewek Kemmyn)

¹⁶ yn owr, arghans, brons ha horn, na yllir aga nivera. Sav yn-bann ha dalleth an ober ha re bo an Arloedh genes.’

1 Kroniklys 22:16 ပူးပေါင်းရင်းမြစ်များ

1 Myghternedh 2:2

‘Yth esov ow mos yn fordh an norvys oll; bydh kolonnek ytho, ha bydh gour,

1 Myghternedh 7:47

Solomon a asas oll an lestri heb aga foesa, rag i dhe vos mar lies; ny yllys musura an poes.

1 Kroniklys 22:11

Lemmyn, ow mab, re bo an Arloedh genes, may sewenni ha drehevel chi an Arloedh dha Dhuw dell gewsis ev ahanas.

1 Kroniklys 22:14

Otta, der ow ober kales, my re brovias rag chi an Arloedh kans mil dalent a owr, milvil dalent a arghans, ha myns a vrons ha horn na yllir aga foesa; prenn ha men ynwedh my re brovias. Res vydh dhis keworra dhe'n re ma.

1 Kroniklys 22:15

Ty a'th eus meur a oberwesyon: treghoryon men, seri men, seri prenn ha kreftoryon, skentel yn pub sort a greft

1 Kroniklys 22:3

Ev a brovias kals horn rag an kentrow rag darasow an yetow ha rag an bynsow, keffrys ha kals brons re vras dhe boesa,

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

1 Kroniklys 29:2

Ytho gans oll ow nerth my re brovias rag chi ow Duw, owr rag an ober a owr, arghans rag an ober a arghans, brons rag an ober a vrons, horn rag an ober a horn, ha prenn rag an ober a brenn, hag ynwedh meyn onyks rag an settyansow, antimoni, meyn liesliw, pub eghenn meyn drudh, ha meur a alabaster.

2 Kroniklys 1:1

Solomon mab Davydh a grevhas y dhalghenn yn y wlaskor; y feu an Arloedh y Dhuw ganso hag ev a'n gwrug meur dres eghenn.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Filippianys 4:13

My a yll gul pup-tra dredho ev neb a re dhymm nerth.

Yoshua 1:2

‘Marow yw Moyses ow gwas. Sav lemmyn ha ke dres an Yordan ma, ty hag oll an bobel ma, dhe'n tir a rov dhedha, dhe'n Ysraelysi.

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 7:10

An Arloedh a leveris dhe Yoshua, ‘Sa'bann; prag y koedhsys war dha fas?

Breusysi 4:14

Ena Debora a leveris dhe Barak, ‘Yn-bann! Rag hemm yw an jydh may ros an Arloedh Sisera y'th leuv. Yn tevri yma an Arloedh ow mos yn-mes a-ragos.’ Ytho Barak eth yn-nans a venydh Tabor gans deg mil wour orth y holya.

1 Samuel 17:37

Yn-medh Davydh, ‘An Arloedh neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an Arloedh genes.’

1 Samuel 20:13

Mes mar mynn ev gul drog dhis, re wrello an Arloedh yndella dhe Yonathan, ha moy ynwedh, mar ny'n deriv dhis, ha dha dhannvon dhe-ves, may hyllydh mones yn sawder. Re bo an Arloedh genes, kepar dell re beu gans ow thas.