1 Kroniklys 22:12 - An Bibel Kernewek 20234 (Kernewek Kemmyn)

¹² Re wrontyo an Arloedh dhis furneth ha konvedhes may hwitthi lagha an Arloedh dha Dhuw pan re ev dhis charj war Ysrael.

1 Kroniklys 22:12 ပူးပေါင်းရင်းမြစ်များ

1 Myghternedh 2:3

ha gwith charj an Arloedh dha Dhuw, dhe gerdhes yn y fordhow, dhe witha y ordenansow, y worhemmynnow, y vreusow, ha'y dhustuniow, dell yw skrifys yn lagha Moyses, may hylli seweni yn pup-tra a wredh, ha plepynag may treylydh;

2 Kroniklys 1:10

Ro dhymm lemmyn furneth ha godhvos rag may hylliv mos yn-mes ha dos a-ji a-rag an bobel ma, rag piw a yll rewlya dha bobel veur ma?’

Salmow 119:34

Gwra dhymm konvedhes, ha my a with dha lagha; devri my a'n syns a leun golonn.

Salmow 72:1

A Dhuw, ro dha vreusow dhe'n myghtern, ha'th ewnder dhe vab an myghtern.

Lavarow Koth 14:8

Furneth den doeth yw dissernya y fordh, mes follneth fellyon yw toell.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.