1 Kroniklys 21:3 - An Bibel Kernewek 20234 (Kernewek Kemmyn)

³ Mes Yoab a leveris, ‘Re geworro an Arloedh dh'y bobel kanskweyth kekemmys! Ow arloedh an myghtern, a nyns yns i oll gwesyon ow arloedh? Prag ytho y fynn ow arloedh gul hemma? Prag y fydh blam dres war Ysrael?’

1 Kroniklys 21:3 ပူးပေါင်းရင်းမြစ်များ

Jenesis 20:9

Ena Abimelek a elwis Abraham ha leverel dhodho, ‘Pandr'a wruss'ta gul dhyn ni, ha fatell beghis vy er dha bynn, may hwruss'ta dri pegh meur warnav vy ha war ow gwlaskor? Ty re wrug dhymmo vy taklow na dalvia bos gwrys.’

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

2 Myghternedh 12:7

Rakhenna myghtern Yoash a elwis Yehoyada an oferyas gans an oferysi erell ha leverel dhedha, ‘Prag nag esowgh owth ewnhe an chi? Lemmyn, ytho, na dhegemmerowgh arghans moy dhiworth agas alhwedhoryon, mes y dhaskorr rag ewnheans an chi.’

1 Kroniklys 19:13

Bydh krev, ha diskwedhyn agan honan kolonnek a-barth agan pobel ha rag sitys agan Duw; ha re wrello an Arloedh an pyth a hevel da dhodho.’

1 Kroniklys 21:4

Mes ger an myghtern a warthevyas erbynn Yoab. Ytho Yoab a dhibarthas ha mos der oll Ysrael, hag ena dehweles dhe Yerusalem

Salmow 115:14

An Arloedh a'gas moghha moy ha moy, hwi ha'gas fleghes.

Eksodus 30:12

Pan gemmerydh niveryans mebyon Ysrael, ena peub a re daspren ragdho ev y honan dhe'n Arloedh pan y's niverydh, ma na vo pla yn aga mysk pan y's niverydh.

Eksodus 32:21

Ha Moyses a leveris dhe Aron, ‘Pandr'a wrug an bobel ma dhis may hwrussys dri pegh meur warnedha?’

Lavarow Koth 14:28

Yma glori myghtern yn palster a boblans, mes heb tus penntern yw diswrys.

Ysay 26:15

Ty re gressyas kenedhel, A Arloedh, ty re gressyas an genedhel; glorifiys os; Ty re voghhas oll oryon an tir.

Ysay 48:19

dha has a via avel an tewes, hag agh dha dorr avel y dewesennow, nevra ny via aga hanow treghys glan, na distruys a-ragov vy.

Dewteronomi 1:11

Re'gas kressyo an Arloedh, Duw a'gas tasow, milblek moy es dell owgh, ha'gas benniga kepar dell gewsis dhywgh.

Yoshua 22:15

I a dheuth dhe'n Rewbenysi, dhe'n Gadysi, ha dhe hanter-loeth Manasse dhe bow Gilead, hag yn-medhons dhedha,

1 Samuel 2:24

Nansi, ow mebyon; rag nyns yw derivas da a glewav ow lesa yn mysk pobel an Arloedh.