1 Kroniklys 21:26 - An Bibel Kernewek 20234 (Kernewek Kemmyn)

²⁶ Davydh a dhrehevis alter ena dhe'n Arloedh ha sakrifia offrynnow leskys hag offrynnow kres. Ev a elwis war an Arloedh, hag ev a'n gorthybis dre dan a nev war alter an offrynn leskys.

1 Kroniklys 21:26 ပူးပေါင်းရင်းမြစ်များ

1 Myghternedh 18:24

Ena gelwewgh war hanow agas duw ha my a elow war hanow an Arloedh; an duw neb a worthyp dre dan, ev yw Duw.’ Oll an bobel a worthybis, ‘Kewsys yn ta yw!’

1 Myghternedh 18:38

Ena tan an Arloedh a dhiyskynnas ha kowlleski an offrynn leskys, an prenn, an meyn, ha'n doust, ha hwath a lapyas an dowr esa y'n ganel.

1 Kroniklys 21:27

An Arloedh a gewsis dhe'n el, hag ev a worras y gledha arta yn y woen.

2 Kroniklys 3:1

Solomon a dhallathas drehevel chi an Arloedh yn Yerusalem war venydh Moria, le may omdhiskwedhsa an Arloedh dh'y das Davydh, y'n tyller a dharbarsa Davydh war leur-drushya Ornan an Yebusyas.

2 Kroniklys 7:1

Pan worfennas Solomon y bysadow, tan a dhiyskynnas a nev hag a loskas an offrynn leskys ha'n sakrifisow; ha glori an Arloedh a lenwis an tempel.

Salmow 51:15

A Arloedh, igor ow diwweus, ha'm ganow a dhiskwa dha wormola.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Salmow 99:9

Ughelhewgh an Arloedh agan Duw, ha gordhyewgh ev war y venydh sans; rag sans yw an Arloedh agan Duw.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Niverow 16:50

Hag Aron a dhehwelis dhe Moyses dhe dharas tylda an kuntelles pan veu lettys an pla.

Breusysi 13:20

Pan yskynnas an flamm war-tu ha'n nev dhiwar an alter, el an Arloedh a yskynnas yn flamm an alter, ha Manoagh ha'y wreg ow mires; hag i a goedhas, ha'ga fas dhe'n dor.

Breusysi 6:21

Ena el an Arloedh a ystynnas bleyn an lorgh esa yn y dhorn hag a dochyas an kig ha'n tesennow heb burm ha tan eth yn-bann a'n garrek hag a loskas an kig ha'n tesennow heb burm; hag el an Arloedh eth yn-mes a'y wolok.