1 Kroniklys 21:22 - An Bibel Kernewek 20234 (Kernewek Kemmyn)

²² Davydh a leveris dhe Ornan, ‘Ro dhymm tyller an leur-drushya may treheffiv warnodho alter dhe'n Arloedh; ro e dhymm rag an pris leun, may fo an plag treylys dhe-ves dhiworth an bobel.’

1 Kroniklys 21:22 ပူးပေါင်းရင်းမြစ်များ

Jenesis 23:9

may rollo dhymm kav Makpela usi dhodho, orth penn y bark. Re wrello y ri dhymm orth pris leun yn agas mysk, avel perghennogeth rag ynkleudhva.’

Jenesis 50:10

Hag i a dheuth dhe leur-drushya Atad usi dres an Yordan, hag ena i a gynis gans kynvann bras ha pur boes; hag ev a wrug kynvann rag y das seyth dydh.

2 Samuel 24:21

Hag yn-medh Arawna, ‘Prag y teuth ow arloedh an myghtern dh'y was?’ Davydh a worthybis, ‘Rag prena an leur-drushya ahanas ha drehevel alter dhe'n Arloedh, may fo astelys an pla dhiworth an bobel.’

1 Myghternedh 21:2

Ahab a leveris dhe Naboth, ‘Ro dhymm dha winlann, ma'm bydh erber, drefenn y vos ogas dhe'm chi; my a re dhis gwinlann well rygdhi; poken, mars yw da genes, my a re dhis hy thalvosogeth yn arghans.’

1 Kroniklys 21:21

Pan dheuth Davydh dhe Ornan, Ornan a viras ha gweles Davydh, hag ev eth yn-mes a'n leur-drushya, hag omblegya dhe Davydh gans y fas dhe'n leur.

1 Kroniklys 21:23

Ornan a leveris dhe Davydh, ‘Kemmer e, ha gwres ow arloedh an myghtern an pyth a hevel da dhodho. Mir, my a re dhis an oghen rag offrynnow leskys ha'n draylellow-drushya rag an prennyer, ha'n gwaneth rag offrynnow greun. My a re pup-tra oll.’

Niverow 16:48

Hag ev a sevis ynter an re varow ha'n re vew; ha'n pla a veu lettys.

Niverow 25:8

ha mos war-lergh an gour a Ysrael y'n tylda, ha gwana aga dew, an gour a Ysrael ha'n venyn, dre hy horf. Yndellma an pla a veu astelys a-dhiworth mebyon Ysrael.