1 Kroniklys 21:15 - An Bibel Kernewek 20234 (Kernewek Kemmyn)

¹⁵ Duw a dhannvonas el dhe Yerusalem dh'y distrui; mes pan o ev parys dh'y distrui, an Arloedh a welas, hag ev a'n jevo edrek a'n drog, hag ev a leveris dhe'n el esa ow tistrui, ‘Henn yw lowr, lemmyn lows dha leuv.’ Yth esa el an Arloedh ow sevel ryb leur-drushya Ornan an Yebusyas.

1 Kroniklys 21:15 ပူးပေါင်းရင်းမြစ်များ

Jenesis 19:13

rag ni a vynn distrui an tyller ma rag bos aga garm gyllys bras dherag an Arloedh, ha'n Arloedh re'gan dannvonas dh'y dhistrui.’

Jenesis 6:6

Ha'n Arloedh a repentyas ev dhe wul mab-den war an nor, ha grevys veu yn y golonn.

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

2 Samuel 24:18

Hag y'n jydh na Gad a dheuth dhe Davydh, ha leverel dhodho, ‘Ke yn-bann ha drehav alter dhe'n Arloedh war leur-drushya Arawna an Yebusyas.’

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

2 Kroniklys 3:1

Solomon a dhallathas drehevel chi an Arloedh yn Yerusalem war venydh Moria, le may omdhiskwedhsa an Arloedh dh'y das Davydh, y'n tyller a dharbarsa Davydh war leur-drushya Ornan an Yebusyas.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 90:13

Dehwel, A Arloedh; pygemmys prys? Bydh truedhek orth dha wesyon.

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Eksodus 9:28

Pys an Arloedh; rag lowr re beu a'n taran ha'n keser ma; my a as dhywgh mones, ha ny wrewgh hwi gortos na fella.’

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Yeremia 7:12

Kewgh lemmyn bys y'm tyller esa yn Shilo, le may hwrugavy ow hanow dhe driga yn kynsa, ha gwelewgh an pyth a wrug dhodho drefenn drogedh ow fobel Ysrael.

Amos 7:3

An Arloedh a gemmeras edrek a hemma: ‘Ny hwyrvydh’, yn-medh an Arloedh.

Amos 7:6

An Arloedh a gemmeras edrek a hemma: ‘Ny hwyrvydh hemma na hwath’, yn-medh an Arloedh Duw.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Mark 14:41

Hag ev a dheuth an tressa gweyth hag yn-medh ev dhedha, ‘Koskewgh lemmyn ha powesewgh; lowr yw, devedhys yw an eur: otta, yma Mab an den daskorrys yntra diwla peghadoryon.

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.

Breusysi 2:18

Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.