1 Kroniklys 21:13 - An Bibel Kernewek 20234 (Kernewek Kemmyn)

¹³ Davydh a leveris dhe Gad, ‘Yth esov yn ahwer meur. Gas vy dhe goedha yn leuv an Arloedh, rag pur vras yw y druedh; mes na as vy dhe goedha yn leuv mab-den.’

1 Kroniklys 21:13 ပူးပေါင်းရင်းမြစ်များ

2 Myghternedh 6:15

Pan sevis gwas gour Duw myttin a-varr, ha mos yn-mes, otta, yth esa lu ow kyrghynna an sita, gans mergh ha charettow. Y was a leveris dhodho, ‘Ellas, ow mester! Pandr'a wren?’

2 Myghternedh 7:4

Mar leveryn, “Ni a enter y'n sita,” yma'n divoetter y'n sita ha ni a verow ena. Ha mar esedhyn omma, ni a verow ynwedh. Ytho deun, ha kilfia dhe gamp Aram; mara'gan sawyons yn few, ni a wra bewa; ha mara'gan ladhons ny wren marnas merwel.’

2 Kroniklys 28:9

Mes yth esa profoes a'n Arloedh ena, Oded y hanow; ev eth yn-mes dhe vetya an lu a dheuth dhe Samaria, hag ev a leveris dhedha, ‘Drefenn an Arloedh Duw agas tasow dhe serri orth Yuda, ev re's ros yn agas leuv, mes hwi re's ladhas yn konnar re hedhas bys y'n nev.

Ester 4:11

‘Oll gwesyon an myghtern ha pobel rannvroyow an myghtern a woer bos unn lagha rag peub, po gour po benyn, seul a dheffo bys y'n myghtern y'n klos a-bervedh, heb bos gelwys: gorrys vydh dhe'n mernans, marnas ev mayth ystynno an myghtern an welenn owrek dhodho may fewo; mes ny veuv vy gelwys dhe dhos a-ji bys y'n myghtern nans yw deg dydh warn ugens.’

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Salmow 103:8

An Arloedh yw truedhek ha grassyes, lent ow serri ha meur y dregeredh.

Salmow 106:7

Agan tasow yn Ejyp ny gonvedhsons dha varthusyon, na perthi kov a'th tregeredh veur, mes i a rebellyas ryb an mor, ryb an Mor Rudh.

Salmow 119:156

Meur yw dha druedh, A Arloedh; bewha vy herwydh dha vreusow.

Salmow 130:4

Mes yma gevyans genes jy, ytho ty yw ownys.

Salmow 130:7

Gwres Ysrael trestya y'n Arloedh, rag gans an Arloedh yma tregeredh, ha ganso yma daspren hel.

Salmow 5:7

Mes my a dheu y'th chi dre dha dregeredh meur; my a ombleg troha'th tempel sans yn own ahanas.

Salmow 69:13

Mes ow fysadow yw dhiso jy, A Arloedh; yn prys plegadow, A Dhuw, gorthyp dhymm y'th tregeredh veur, yn gwirder dha selwyans.

Salmow 69:16

Gorthyp dhymm, A Arloedh, rag da yw dha dregeredh; treyl dhymmo vy, herwydh dha druedh meur.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Lavarow Koth 12:10

Den gwiryon a wra vri a vewnans y vest, mes mersi tebeles yw fell.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Ysay 63:7

Meneges tregeredhow an Arloedh a wrav, ha gormoledhow an Arloedh, war-lergh pup-tra a wrug an Arloedh ragon, ha lies tra dha rag chi Ysrael a wrug ev ragdha war-lergh y druedhow ha war-lergh palster y dregeredh.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Yona 3:9

Piw a woer, a wra Duw treylya ha kemmeres edrek, ha treylya dhiworth y sorr fers, ma na wryllyn ni mos dhe goll?’

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Yowann 12:27

‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

Ebrowyon 10:31

Tra euthyk yw koedha yntra diwleuv an Duw bew.