1 Kroniklys 21:12 - An Bibel Kernewek 20234 (Kernewek Kemmyn)

¹² po teyr blydhen a dhivoetter, po tri mis ow fia a-rag dha eskerens ha kledha dha eskerens orth dha dhistrui; po tri dydh a gledha an Arloedh, plag y'n pow hag el an Arloedh ow tistrui dres oll tiredh Ysrael.” Lemmyn ervir py gorthyp y kemmerav dhodho ev neb a'm dannvonas.’

1 Kroniklys 21:12 ပူးပေါင်းရင်းမြစ်များ

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

2 Myghternedh 8:1

Elisha a gewsis orth an venyn a dhros ev hy mab arta dhe vewnans, ow leverel, ‘Sav yn-bann ha ke gans dha vayni, ha triga plepynag may hylli triga; rag an Arloedh re worhemmynnis divoetter a seyth blydhen, ha re dheuth seulabrys dhe'n tir.

1 Kroniklys 21:11

Gad a dheuth dhe Davydh ha leverel dhodho, ‘Yndellma y lever an Arloedh: “Gwra dha dhewis:

Salmow 91:6

a'n pla a gerdh yn tewlder, nag a'n jevan a dhistru y'n hanter-dydh.

Eksodus 12:23

Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 42:16

ena an kledha may perthowgh own anodho a wra agas pursiwya bys yn pow Ejyp; ha'n divoetter esowgh ow perthi own anodho a wra agas pursiwya bys yn Ejyp; hag ena hwi a verow.

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Kynvannow 4:9

Gwynnvys an re yw ledhys gans an kledha drefenn fowt askorr an gwel.

Levitikus 26:10

Hwi a vydh hwath ow tybri trevas koth an vlydhen kyns, ha res vydh dhywgh tewlel an koth yn-mes dhe wul spas rag an nowydh.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Luk 4:25

Mes dhe wir my a lever dhywgh, yth esa lies gwedhwes yn dydhyow Elias yn Ysrael, pan veu an nev kes teyr blydhen ha hwegh mis, may feu divoetter meur war oll an tir.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 28:22

An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Dewteronomi 28:35

An Arloedh a'th wysk gans drog vryghi y'th tewlin ha'th tiwarr ma na yllydh bos yaghhes dhiworta, a wodhen dha droes bys y'th krogen.