1 Kroniklys 19:9 - An Bibel Kernewek 20234 (Kernewek Kemmyn)

⁹ An Ammonysi a dheuth yn-mes arayys rag batel orth entrans an sita, ha'n vyghternedh re dhothya esa aga honan y'n gwel.

1 Kroniklys 19:9 ပူးပေါင်းရင်းမြစ်များ

2 Samuel 10:8

Mebyon Ammon a dheuth yn-mes, hag i a settyas aga honan yn aray rag batel orth entrans an yet; mes y feu Aramysi Soba ha Rehob, ha gwer Tob ha Maaka, arayys y'n gwel.

2 Samuel 18:4

Yn-medh an myghtern dhedha, ‘Pypynag a hevel da dhywgh, my a'n gwra.’ Ytho an myghtern a sevis ryb tenewen an yet, hag oll an bobel a dheuth yn-mes yn kansow hag yn milyow.

1 Myghternedh 20:1

Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

1 Myghternedh 20:24

Ha gwra hemma: gordhyllo an vyghternedh, peub a'y le, ha gorra kaslewydhyon yn aga le;

1 Kroniklys 19:10

Pan wodhva Yoab linyow an vatel dhe vos settys er y bynn a-rag hag a-dryv, ev a dhewisas rann a'y soudoryon wella, ha'ga settya yn aray erbynn Aram.

1 Kroniklys 19:8

Pan glewas Davydh hemma, ev a dhannvonas Yoab gans oll an gasoryon.

2 Kroniklys 13:3

Abia a dhallathas an batel gans lu a gasoryon alloesek, peswar kans mil wour dewisys; ha Yeroboam a arayas y linenn a vatel er y bynn gans eth kans mil gasor alloesek.

2 Kroniklys 14:10

Asa eth yn-mes rag metya ganso, hag i a arayas aga honan rag batel yn nans Sefatha ryb Maresha.

Ysay 28:6

ha spyrys a wirvreus dhe neb a esedh yn breus, ha nerth dhe'n re a dreyl an vatel dhe-ves dhiworth an yet.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yoel 2:5

Kepar ha gans tros charettow, lemmel a wrons war bennow an menydhyow, avel tros flamm tan ow tevorya an sowl, avel pobel grev arayys rag kas.

1 Samuel 17:2

Sowl ha gwer Ysrael a omguntellas, ha kampya ryb nans Ela, hag araya aga honan rag kas erbynn an Filistysi.