1 Kroniklys 19:6 - An Bibel Kernewek 20234 (Kernewek Kemmyn)

⁶ Pan wodhva an Ammonysi, i dhe vos kasadow dhe Davydh, Hanun ha'n Ammonysi a dhannvonas mil dalent a arghans dhe wobrena charettow ha marghogyon dhiworth Aram Naharaym, dhiworth Aram Maaka, ha dhiworth Soba.

1 Kroniklys 19:6 ပူးပေါင်းရင်းမြစ်များ

Jenesis 34:30

Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’

2 Samuel 10:6

Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.

2 Samuel 8:3

Davydh ynwedh a weskis Hadadezer mab Rehob, myghtern Soba, pan esa ow mos dhe dhaskavoes y vaystri ryb an avon Ewfrates.

1 Kroniklys 18:5

Pan dheuth Aram Damaskus dhe weres Hadadezer myghtern Soba, Davydh a weskis Aram, ha ladha dew vil warn ugens a wer.

1 Kroniklys 18:9

Pan glewas Tou myghtern Hamath Davydh dhe fetha oll lu Hadadezer myghtern Soba,

1 Kroniklys 19:5

I a dhibarthas. Pan veu derivys dhe Davydh a-dro dhe'n wer, ev a dhannvonas dh'aga metya, rag an wer a berthi meth bras. An myghtern a leveris, ‘Gortewgh yn Yeriko bys pan vo agas barv tevys, hag ena dehwelewgh.’

2 Kroniklys 18:3

Ahab myghtern Ysrael a leveris dhe Yehoshafat myghtern Yuda, ‘A vynnydh mos genev dhe Ramoth-gilead?’ Ev a wovynnas dhodho, ‘Yth esov genes, ow fobel yw dha bobel. Ni a vydh genes y'n vresel.’

2 Kroniklys 18:5

Ena myghtern Ysrael a guntellas an brofoesi war-barth, peswar kans anedha hag a leveris dhedha, ‘A wren ni mos dhe vatalyas orth Ramoth-gilead, po a skonyav a wul yndella?’ I a worthybis, ‘Ke yn-bann; rag Duw a's re yn leuv an myghtern.’

2 Kroniklys 18:9

Yth esa myghtern Ysrael ha myghtern Yehoshafat a'ga esedh war aga thronys, gwiskys yn aga goenyow, orth an leur-drushya ryb entrans yet Samaria; hag yth esa oll an profoesi ow profoesa a-ragdha.

2 Kroniklys 25:6

Ev a arvethas dhiworth Ysrael kans mil gasor krev a gans talent a arghans.

2 Kroniklys 27:5

Ev a vatalyas orth myghtern an Ammonysi ha'y fetha. An Ammonysi a ros dhodho y'n vlydhen na kans talent a arghans, deg mil gor a ys ha deg mil a heydh. An Ammonysi a dylis an keth myns y'n nessa hag y'n tressa blydhen.

Salmow 14:3

Pubonan re dreylyas a-denewen, legrys yns i war-barth; nyns eus denvyth a wrello dader, nyns eus nagonan.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Eksodus 5:21

hag y lavarsons dhedha, ‘An Arloedh re virro warnowgh ha breusi, drefenn hwi re wrug dhyn bos kasadow yn dewlagas Faro ha'y servysi, ha gorra kledha yn aga dorn dh'agan ladha.’

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Samuel 13:4

Pan glewas oll Ysrael Sowl dhe fetha savla-gwithysi an Filistysi, hag ynwedh Ysrael dhe dhos ha bos kasadow dhe'n Filistysi, an bobel a veu gelwys yn-mes dhe junya gans Sowl yn Gilgal.

1 Samuel 14:47

Ytho Sowl a gemmeras an myghternsys war Ysrael, ha batalyas orth oll y eskerens a bub tu, erbynn Moab, hag erbynn an Ammonysi, hag erbynn Edom, hag erbynn myghternedh Soba, hag erbynn an Filistysi; ha plepynag y treylya, ev a dryghis.

1 Samuel 27:12

Hag Akish a drestyas yn Davydh, ha tybi, ‘Ev re wrug y honan kasadow glan yn mysk y bobel Ysrael; rakhenna ev a vydh ow gwas bys vykken.’