1 Kroniklys 19:19 - An Bibel Kernewek 20234 (Kernewek Kemmyn)

¹⁹ Pan wodhva Aram aga bos fethys gans Ysrael, i a wrug kres gans Davydh, hag eth ha bos gostydh dhodho. Ytho ny vynnas Aram sawya an Ammonysi nevra namoy.

1 Kroniklys 19:19 ပူးပေါင်းရင်းမြစ်များ

2 Samuel 10:1

Wosa hemma, myghtern an Ammonysi a verwis, ha Hanun y vab a reynyas yn y le.

2 Samuel 10:19

Pan welas oll an vyghternedh neb o gwesyon Hadadezer, aga bos fethys a-dherag Ysrael, i a wrug kres gans Ysrael, ha'ga servya.

1 Myghternedh 20:1

Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

1 Myghternedh 20:12

Pan glewas Ben-hadad an messaj ma – hag ev owth eva gans an vyghternedh y'n skovvaow – ev a leveris dh'y wer, ‘Kemmerewgh agas tylleryow!’ Hag i a gemmeras aga thylleryow erbynn an sita.

1 Kroniklys 14:17

Ger-da Davydh a lesas der oll an powyow ha'n Arloedh a dhros own anodho war oll an kenedhlow.

1 Kroniklys 19:18

Mes Aram a fias a-dherag Ysrael. Davydh a ladhas a Aram seyth mil jaretter ha dew-ugens mil droesek, ha ladha ynwedh Shofak, kaslewydh aga lu.

1 Kroniklys 20:1

Orth treylyans an vlydhen, an termyn mayth a myghternedh yn-mes dhe vatalyas, Yoab a ledyas an lu yn-mes, ha gwastya tir an Ammonysi ha dos hag omsettya a-dro dhe Rabba. Mes myghtern Davydh a wortas yn Yerusalem. Yoab a weskis Rabba ha'y domhwel.

Salmow 18:39

Rag ty re worras grogys a nerth a-dro dhymm rag an gas; ty re worras yn-dannov an re a sevis er ow fynn.

Salmow 18:44

Kettell glewons ahanav, gostydh yns i dhymm; estrenyon a ombleg dhymm.

Ysay 10:8

Rag yn-medh ev, ‘A nyns yw oll ow fennsevigyon myghternedh?