1 Kroniklys 18:11 - An Bibel Kernewek 20234 (Kernewek Kemmyn)

¹¹ An re ma ynwedh myghtern Davydh a sakras dhe'n Arloedh, war-barth gans an arghans ha'n owr re dhegsa dhiworth oll an kenedhlow ma: dhiworth Edom, Moab, an Ammonysi, an Filistysi hag Amalek.

1 Kroniklys 18:11 ပူးပေါင်းရင်းမြစ်များ

1 Myghternedh 7:51

Yndellma oll an ober a wrug myghtern Solomon rag chi an Arloedh o gorfennys. Solomon a dhros an taklow re bia sakrys gans y das Davydh, an arghans, an owr, ha'n lestri, ha'ga gwitha yn tresorvaow chi an Arloedh.

2 Myghternedh 12:18

Yoash myghtern Yuda a gemmeras oll an rohow sans re sakras y ragresygyon Yehoshafat, Yoram hag Ahazia, myghternedh Yuda, hag oll an owr a veu kevys yn tresoryow chi an Arloedh hag yn chi an myghtern, ha'ga dannvon dhe Hazael myghtern Aram, hag ev a gildennas dhiworth Yerusalem.

1 Kroniklys 18:10

ev a dhannvonas y vab Hadoram dhe vyghtern Davydh, dh'y salusi ha dh'y geslowenhe drefenn ev dhe omladh erbynn Hadadezer ha'y fetha; rag Hadadezer re bia yn fenowgh ow preseli gans Tou. Hadoram a dhros pub eghenn lestri a owr, a arghans, hag a vrons.

1 Kroniklys 18:12

Abishay mab Seruya, a ladhas etek mil Edomyas yn nans an Hoelan.

1 Kroniklys 22:14

Otta, der ow ober kales, my re brovias rag chi an Arloedh kans mil dalent a owr, milvil dalent a arghans, ha myns a vrons ha horn na yllir aga foesa; prenn ha men ynwedh my re brovias. Res vydh dhis keworra dhe'n re ma.

1 Kroniklys 26:20

A'n Levysi, Ahiya a'n jevo charj a dresorvaow chi Duw ha tresorvaow an rohow sakrys.

1 Kroniklys 29:14

‘Mes piw ov vy, ha piw yw ow fobel, ni dhe alloes profya yndella mar hel? Rag dhiworthis jy y teu pup-tra, hag a'th leuv dha honan yth eson ow ri dhis.

2 Kroniklys 5:1

Pan veu gorfennys oll an ober a wrug Solomon rag chi an Arloedh, Solomon a dhug a-ji oll an taklow sakrys gans y das Davydh, hag ev a worras an arghans, an owr, hag oll an lestri yn tresorvaow chi Duw.

Eksodus 35:5

Kemmerewgh a-dhiworthowgh offrynn dhe'n Arloedh; neb a'n jeffo kolonn volonjedhek, gas ev dhe dhri offrynn an Arloedh: owr, arghans ha brons;

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Yoshua 6:19

Oll an arghans ha'n owr, ha lestri a vrons ha horn, yw sans dhe'n Arloedh; i a dheu yn tresorva an Arloedh.’

Yoshua 6:24

I a loskas an sita ha pup-tra ynni gans tan; saw an arghans ha'n owr, ha'n lestri a vrons ha horn i a worras yn tresorva chi an Arloedh.

1 Samuel 30:13

Ena Davydh a leveris dhodho, ‘Dhe biw osta? A-ble os?’ Ev a worthybis, ‘Gour yowynk a Ejyp ov vy, gwas dhe wour a Amalek. Ow mester a'm gasas, drefenn my dhe vos yn klav nans yw trydydh.

1 Samuel 30:20

Ha Davydh a gemmeras oll an flokkys ha'n greow, hag i a's ledyas a-dherag an chatel erell, ow leverel, ‘Hemm yw preydh Davydh.’