1 Kroniklys 17:8 - An Bibel Kernewek 20234 (Kernewek Kemmyn)

⁸ ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur kepar ha hanow tus veur an norvys.

1 Kroniklys 17:8 ပူးပေါင်းရင်းမြစ်များ

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

2 Samuel 22:1

Davydh a gewsis geryow an gan ma dhe'n Arloedh y'n jydh ma'n selwis an Arloedh dhiworth leuv y eskerens oll, ha dhiworth leuv Sowl;

2 Samuel 7:9

ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur, kepar ha hanow brasyon an norvys.

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

2 Samuel 8:8

Dhiworth Betagh ha dhiworth Berothay, sitys Hadadezer, myghtern Davydh a gemmeras shour a vrons.

1 Kroniklys 14:17

Ger-da Davydh a lesas der oll an powyow ha'n Arloedh a dhros own anodho war oll an kenedhlow.

1 Kroniklys 17:17

Tra vyghan o y'th wolok, A Dhuw; ty re gewsis ynwedh a ji dha was rag termyn hir dhe dhos. Ty a wra vri ahanav avel den a dhegre ughel, A Arloedh Duw!

1 Kroniklys 17:2

Yn-medh Nathan dhe Davydh, ‘Gwra pynag usi y'th vrys, rag yma Duw genes.’

1 Kroniklys 17:7

Lemmyn ytho, ty a lever dhe'm gwas Davydh: Yndellma y lever Arloedh an luyow: My a'th kemmeras dhiworth an beurva, dhiworth holya an deves, dhe vos pennsevik war ow fobel Ysrael;

1 Kroniklys 17:9

Ha my a apoynt tyller rag ow fobel Ysrael, ha my a wra aga flansa ena, may yllons triga yn aga thyller aga honan, ha ny vydhons ankresys namoy; ha ny wra mebyon sherewneth aga flagya namoy, kepar ha kyns,

Ezra 4:20

Byttegyns, re beu myghternedh galloesek dhe Yerusalem, neb a rewlyas oll an rannvro Dres-an-Avon; ha toll-benn ha toll-wara, ha toll-dir, a veu tylys dhedha.

Salmow 18:1

My a'th kar, A Arloedh, ow nerth;

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 71:21

Ty a voghha ow enor, ha'm hebaskhe arta.

Salmow 75:7

Mes Duw yw an breusyas; ev a iselha unn den hag ughelhe den arall.

Luk 1:52

Ev re worras tus alloesek dhe'n leur dhiworth aga seow, ha re dhrehevis an re uvel.

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 18:28

Mes pan welas Sowl ha konvedhes bos an Arloedh gans Davydh, ha'y vyrgh Mikal dh'y gara,

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.