1 Kroniklys 17:23 - An Bibel Kernewek 20234 (Kernewek Kemmyn)

²³ ‘Ha lemmyn, A ARLOEDH, bedhes fastys bys vykken an ger re gewssys a-dro dhe'th was hag a-dro dh'y ji, ha gwra kepar dell gewssys.

1 Kroniklys 17:23 ပူးပေါင်းရင်းမြစ်များ

Jenesis 32:12

Ha ty a leveris, “Yn sur my a wra da genes, ha my a worr dha has kepar ha tewes an mor na yll bos reknys drefenn an niver bras anodho.” ’

1 Myghternedh 8:26

Ytho, A Dhuw Ysrael, bedhes afydhys dha er a ambossys dhe'th was Davydh ow thas.

1 Kroniklys 17:22

Ty a wrug dha bobel Ysrael dha bobel dha honan bys vykken, ha ty, A Arloedh, a dheuth ha bos aga Duw.

1 Kroniklys 17:24

Yndellma dha hanow a vydh fastys ha meurhes bys vykken, ha tus a lever, “Arloedh an luyow, Duw Ysrael, yw Duw Ysrael”. Ha chi dha was Davydh a vydh fastys dheragos.

1 Kroniklys 28:4

Byttegyns an Arloedh, Duw Ysrael, a'm dewisas dhiworth oll chi ow thas dhe vos myghtern war Ysrael bys vykken; rag ev a dhewisas Yuda avel rewler, hag yn chi Yuda chi ow thas, hag y feu plegadow dhodho dhiworth mebyon ow thas dhe wul dhymm bos myghtern war oll Ysrael.

2 Kroniklys 1:9

Lemmyn A Arloedh Duw, bedhes kewerys an ambos a wrussys dhe'm tas Davydh, rag ty re'm wrug myghtern war bobel kekemmys aga niver ha doust an dor

Salmow 119:49

Porth kov a'n ger orth dha was, ynno may hwruss'ta dhymmo fydhya.

Yeremia 11:5

may kollenwiv an ti a des dh'agas tasow, ri dhedha tir a dhinwa leth ha mel, dell yw hedhyw. Ena my a worthybis, ‘Yndella re bo, A Arloedh.’

Luk 1:38

Ha Maria a leveris, ‘Awotta maghteth an Arloedh; re bo dhymm war-lergh dha er.’ Ha'n el a omdennas dhiworti.