1 Kroniklys 17:12 - An Bibel Kernewek 20234 (Kernewek Kemmyn)

¹² Ev a dhrehav chi ragov, ha my a fast y thron bys vykken.

1 Kroniklys 17:12 ပူးပေါင်းရင်းမြစ်များ

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

1 Myghternedh 8:19

byttegyns ty ny dhrehevydh an chi, mes dha vab a vydh genys dhis a dhrehav an chi rag ow hanow.”

1 Kroniklys 17:11

Pan vydh kollenwys dha dhydhyow rag ty dhe vos gans dha dasow, my a dhrehav dha has war dha lergh, neb a vydh onan a'th vebyon, ha my a fast y vyghterneth.

1 Kroniklys 17:13

My a vydh tas dhodho, hag ev a vydh mab dhymm. Ny gemmerav ow thregeredh dhiworto, kepar dell y's kemmeris dhiworth dha ragresegydh,

Ezra 5:11

Ha hemma yw an gorthyp a rosons dhyn: ‘Servysi Duw nev ha leur on ni, hag yth esons ow dastrehevel an chi a veu drehevys nans yw lies blydhen, may hwrug myghtern bras a Ysrael y dhrehevel ha gorfenna.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 89:29

My a wra dh'y has durya bys vykken, ha'y se avel dydhyow nev.

Salmow 89:4

“Dha has a fastyav bynitha, ha'th se a dhrehavav a unn henedh dhe'n nessa.” ’ Sela.

Salmow 89:5

Ha'n nevow a wormel dha varthusyon, A Arloedh, dha lelder ynwedh yn kuntelles an syns.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

1 Korinthianys 15:25

Rag res yw dhodho reynya bys pan worro oll y eskerens yn-dann y dreys.

Kolossianys 2:9

rag ynno ev y trig pub leunder a'n Duwsys, yn korfek.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’