1 Kroniklys 16:3 - An Bibel Kernewek 20234 (Kernewek Kemmyn)

³ hag ev a lesrannas dhe oll Ysrael, dhe bub gour ha benyn, torth-vara, rann a gig ha tesenn-rappys.

1 Kroniklys 16:3 ပူးပေါင်းရင်းမြစ်များ

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

1 Kroniklys 16:2

Wosa Davydh dhe worfenna offrynna an offrynnow leskys ha'n offrynnow kres, ev a vennigas an bobel yn hanow an Arloedh;

1 Kroniklys 16:4

Ev a apoyntyas re a'n Levysi dhe venystra a-rag argh an Arloedh, dhe govhe, dhe rassa ha dhe wormel an Arloedh, Duw Ysrael.

2 Kroniklys 30:24

Hezekia myghtern Yuda a ros dhe'n kuntelles mil darow ha seyth mil dhavas rag offrynnow, ha'n soedhogyon a ros dhe'n kuntelles mil darow ha deg mil dhavas. Niver meur a'n oferysi a omsakras aga honan.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

An Gan a Ganow 2:5

Sostenewgh vy gans tesennow-grappys, megewgh vy gans avalow, drefenn ow bos klav dre gerensa.

Ysay 16:7

Ytho Moab a oul, i oll a oul rag Moab. Kynewgh rag tesennow-grappys Kir-hareseth, hwi hag yw kowldhistruys.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Hosea 3:1

Ena an Arloedh a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an Arloedh orth mebyon Ysrael, kyn treylyons dhe dhuwow erell, ha kara tesennow-grappys.’

1 Peder 4:9

Bedhewgh hel dhe westoryon, an eyl dh'y gila, heb krodhvol.