1 Kroniklys 15:29 - An Bibel Kernewek 20234 (Kernewek Kemmyn)

²⁹ Pan dheuth argh kevambos an Arloedh a-ji dhe sita Davydh, Mikal myrgh Sowl a viras der an fenester, ha gweles myghtern Davydh ow tonsya hag ow lowenhe; ha hi a'n dispresyas yn hy holonn.

1 Kroniklys 15:29 ပူးပေါင်းရင်းမြစ်များ

2 Samuel 6:16

Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

1 Kroniklys 15:28

Oll Ysrael a dhros yn-bann argh kevambos an Arloedh gans garmow, gans son korn, hirgern ha symbalys, ha son telynnow ha sowtris.

1 Kroniklys 17:1

Pan esa myghtern Davydh trigys yn y ji, ev a leveris dhe Nathan an profoes, ‘Otta, yth esov trigys yn chi a brenn keder, mes yma argh kevambos an Arloedh yn-dann groglennow tylda.’

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 150:4

Gormelewgh ev gans an tabour ha'n dons; gormelewgh ev gans kerdyn ha'n bib.

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Eksodus 15:20

Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Ekklesiastes 3:4

Prys dagrewi ha prys hwerthin; prys kyni ha prys donsya.

Yeremia 3:16

Hag y hwyrvydh, pan vydhowgh palshes ha kressys y'n tir, y'n dydhyow na, yn-medh an Arloedh, ny leverons moy, ‘Argh kevambos an Arloedh.’ Ny dheu y'n brys; na ny vydh kovhes; na ny vynnons y visitya namoy; na ny vydh henna gwrys arta.

Yeremia 30:19

Hag yn-mes anedha y teu grasyans ha lev an re a lowenha. My a's liesha, ha ny vydhons boghes; my a's enor, ha ny vydhons iselhes.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Niverow 10:33

Ytho i eth yn-kerdh a venydh an Arloedh vyaj tri dydh; hag argh kevambos an Arloedh eth a-ragdha vyaj tri dydh, dhe hwilas powesva ragdha.

Oberow 2:13

Mes re erell, ow kul ges, a leveris, ‘Lenwys a win nowydh yns.’

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

2 Korinthianys 5:13

Rag mars on ni mes a'gan rewl, a-barth Duw yth yw; mars yw yagh agan brys, ragowgh hwi yth yw.

Dewteronomi 31:26

‘Kemmerewgh an lyver ma a'n lagha ha'y settya ryb argh kevambos an Arloedh agas Duw, rag may fo eno yn test er dha bynn.

Ebrowyon 9:4

a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;

Yoshua 4:7

ena hwi a lever dhedha, y feu dowrow an Yordan stoppys a-rag argh kevambos an Arloedh. Pan dreusis an Yordan, stoppys veu dowrow an Yordan. Ytho an meyn ma a vydh kovadh dhe'n Ysraelysi bys vykken.’

Breusysi 20:27

Ha mebyon Ysrael a wovynnas orth an Arloedh (rag y fedha argh an kevambos ena y'n dydhyow na

1 Samuel 25:44

Mes Sowl re rosa Mikal y vyrgh, gwreg Davydh, dhe Palti mab Laish, a Gallim.

1 Samuel 4:3

Pan dheuth an bobel y'n kamp, henavogyon Ysrael a leveris, ‘Prag y'gan fethas an Arloedh hedhyw a-dherag an Filistysi? Dren ni argh kevambos an Arloedh omma a-dhiworth Shilo rag may hallo dos yn agan mysk ha'gan sawya mes a leuv agan eskerens.’