1 Kroniklys 15:25 - An Bibel Kernewek 20234 (Kernewek Kemmyn)

²⁵ Ena Davydh ha henavogyon Ysrael, ha kaptenyon an milyow, eth dhe dhri yn-bann argh kevambos an Arloedh dhiworth chi Obed-edom gans lowena.

1 Kroniklys 15:25 ပူးပေါင်းရင်းမြစ်များ

1 Myghternedh 8:1

Ena Solomon a guntellas henavogyon Ysrael hag oll pennow an loethow, ha hembrenkysi chiow tasow Ysrael, a-rag myghtern Solomon yn Yerusalem, rag dri argh kevambos an Arloedh yn-mes a sita Davydh, hag yw Sion.

2 Kroniklys 1:4

Mes Davydh re dhegsa argh Duw yn-bann a Kiryath-yearim dhe'n tyller a dharbarsa dhedhi; rag ev a ystynnsa tylda rygdhi yn Yerusalem.

2 Kroniklys 5:2

Ena Solomon a guntellas henavogyon Ysrael, hag oll pennow an loethow, pennow teyluyow a vebyon Ysrael, yn Yerusalem, rag doen yn-bann argh kevambos an Arloedh, yn-mes a sita Davydh, yw Sion.

Ezra 6:16

Ha mebyon Ysrael, an oferysi, ha'n Levysi, ha remenant mebyon an divroedh, a solempnyas sakrans an chi ma a Dhuw gans lowena.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Niverow 31:14

Ha Moyses o serrys orth soedhogyon an lu, kaptenyon milyow ha kaptenyon kansow, re dhothya a servis y'n vresel.

Dewteronomi 1:15

My a gemmeras pennow agas loethow, gwer fur hag aswonnys, ha'ga settya avel pennow warnowgh, kaptenyon a vilyow, kaptenyon a gansow, kaptenyon a hanter-kansow, kaptenyon a dhegow, ha soedhogyon rag agas loethow.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:15

Seyth dydh y solempnydh goel dhe'n Arloedh dha Dhuw y'n tyller a wra an Arloedh y dhewis; rag an Arloedh dha Dhuw a wra dha venniga yn oll dha askorr hag yn pub ober a'th leuv, ytho ty a lowenha devri.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 22:7

Sowl a leveris dh'y wesyon esa ow sevel a-dro dhodho, ‘Goslowewgh lemmyn, hwi Benyaminysi; a vynn mab Yesse ri dhywgh hwi oll parkow ha gwinlannow, a vynn ev agas gul hwi oll kaptenyon a vilyow ha kaptenyon a gansow?

1 Samuel 8:12

hag ev a apoynt ragdho y honan kaslewydhyon a vilyow ha kaslewydhyon a hanter-kansow, hag erell dhe aras y dhor ha mysi y drevas, ha dhe wul y arvow a vresel ha daffar y jarettow.