1 Kroniklys 15:16 - An Bibel Kernewek 20234 (Kernewek Kemmyn)

¹⁶ Davydh a erghis dhe ledyoryon an Levysi apoyntya aga breder avel kanoryon gans daffar menestrouthi, telynnow, sowtris ha symbalys, ow trehevel son lowena.

1 Kroniklys 15:16 ပူးပေါင်းရင်းမြစ်များ

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 15:12

ha leverel dhedha, ‘Hwi yw pennow teyluyow an Levysi; sakrewgh agas honan, hwi ha'gas breder, may tryllowgh yn-bann argh an Arloedh, Duw Ysrael, dhe'n tyller re dharbaris vy dhedhi.

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

1 Kroniklys 16:5

Asaf o an ledyer, ha nessa dhodho Zekaria; ena Yeiel, Shemiramoth, Yehiel, Mattithia, Eliab, Benaya, Obed-edom, ha Yeiel, gans telynnow ha gans sowtris; Asaf a sonas an symbalys,

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

1 Kroniklys 6:16

Mebyon Levi: Gershon, Kohath ha Merari.

2 Kroniklys 20:19

Ena re a'n Levysi dhiworth an Kohathysi ha'n Koraghysi, a sevis yn-bann rag gormel an Arloedh, ha Duw Ysrael, gans lev fest ughel.

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

2 Kroniklys 5:12

hag oll kanoryon an Levysi, Asaf, Heman, ha Yeduthun, aga mebyon ha'ga breder, gwiskys yn lien fin, gans symbalys, telynnow, ha sowtris, a sevis a'n howldrehevel dhe'n alter, keveylys gans kans oferyas warn ugens ow hwytha hirgern.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Nehemia 12:27

Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

Nehemia 12:36

ha'y vreder, Shemaia, Azarel, Milalay, Gilalay, Maay, Nethanel, Yuda, ha Hanani, gans daffar menestrouthi Davydh, gour Duw; hag Ezra an skriba eth a-ragdha.

Nehemia 12:43

Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Nehemia 12:46

Rag yn dydhyow Davydh hag Asaf nans yw pell, yth esa chyf an ganoryon, hag yth esa kanow gormola ha grasyans dhe Dhuw.

Salmow 100:1

Gwrewgh tros heudhik dhe'n Arloedh, oll an nor.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 150:5

Gormelewgh ev war an symbalys kesson; gormelewgh ev war an symbalys ughel aga son.

Salmow 81:1

Kenewgh yn lowen dhe Dhuw agan nerth; gwra tros heudhik dhe Dhuw Yakob.

Salmow 81:3

Hwythewgh an trompa y'n loer nowydh, y'n loer leun, yn agan dy'goel.

Salmow 87:7

An ganoryon ha'n dhonsyoryon war-barth a lever, ‘Yma oll ow fentynyow ynnos jy.’

Salmow 95:1

Dewgh, gwren ni kana yn lowen dhe'n Arloedh; gwren ni tros heudhik dhe garrek agan selwyans.

Eksodus 15:20

Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Amos 6:5

neb a gan orth son an delynn, hag avel Davydh ow tevisya dhedha daffar menestrouthi.

Oberow 14:23

Ha pan ordensens ragdha henavogyon yn pub eglos, gans pysadow ha penys i a's kommendyas dhe'n Arloedh yn neb a gryssens.

2 Timothi 2:2

ha'n taklow a glewsys dhiworthiv dre lies test, gwra aga gorra yn charj dhe dus lel a vydh gwiw dhe dhyski tus erell ynwedh.

Titus 1:5

Rakhenna my a'th hasas yn Kreta mayth ordennes an taklow erell hag apoyntya henavogyon yn pub tre, dell erghis vy dhis,