1 Kroniklys 15:1 - An Bibel Kernewek 20234 (Kernewek Kemmyn)

¹ Ev a dhrehevis chiow ragdho y honan yn sita Davydh, hag ev a dharbaris tyller dhe argh Duw ha lesa tylda rygdhi.

1 Kroniklys 15:1 ပူးပေါင်းရင်းမြစ်များ

2 Samuel 14:24

Mes yn-medh an myghtern, ‘Gwres ev treylya dh'y ji y honan; ny wel ow fas.’ Ytho, Absalom eth dh'y ji y honan, ha ny wrug ev gweles fas an myghtern.

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

2 Samuel 6:12

Y feu derivys orth Davydh, ‘An Arloedh re vennigas chi Obed-edom ha pup-tra eus dhodho, drefenn argh Duw.’ Ytho Davydh eth ha dri yn-bann argh Duw a-dhiworth chi Obed-edom a-ji dhe sita Davydh gans lowena,

2 Samuel 6:17

I a dhros argh an Arloedh a-ji, ha'y settya yn hy le, yn kres an tylda re dhrehavsa Davydh rygdhi; ha Davydh a offrynnas offrynnow leskys hag offrynnow kres dherag an Arloedh.

1 Kroniklys 15:12

ha leverel dhedha, ‘Hwi yw pennow teyluyow an Levysi; sakrewgh agas honan, hwi ha'gas breder, may tryllowgh yn-bann argh an Arloedh, Duw Ysrael, dhe'n tyller re dharbaris vy dhedhi.

1 Kroniklys 15:3

Davydh a guntellas oll Ysrael yn Yerusalem dhe dhoen argh an Arloedh yn-bann dh'y thyller re dharbarsa ev dhedhi.

1 Kroniklys 16:1

I a dhros argh Duw, ha'y settya a-ji dhe'n tylda re dhrehavsa Davydh rygdhi; hag i a offrynnas offrynnow leskys hag offrynnow kres dherag Duw.

1 Kroniklys 6:31

An re ma yw an dus settys gans myghtern Davydh yn charj a'n menestrouthi yn chi an Arloedh, wosa an argh dhe bowes ena.

2 Kroniklys 1:4

Mes Davydh re dhegsa argh Duw yn-bann a Kiryath-yearim dhe'n tyller a dharbarsa dhedhi; rag ev a ystynnsa tylda rygdhi yn Yerusalem.

2 Kroniklys 5:2

Ena Solomon a guntellas henavogyon Ysrael, hag oll pennow an loethow, pennow teyluyow a vebyon Ysrael, yn Yerusalem, rag doen yn-bann argh kevambos an Arloedh, yn-mes a sita Davydh, yw Sion.

Salmow 132:5

erna gyffiv tyller dhe'n Arloedh, trigva dhe Dhuw galloesek Yakob.’

Oberow 7:46

a gavas favour gans Duw, ha govynn kummyas dhe gavoes trigva rag chi Yakob.