1 Kroniklys 14:3 - An Bibel Kernewek 20234 (Kernewek Kemmyn)

³ Davydh a gemmeras moy gwragedh yn Yerusalem, ha Davydh a dhineythis moy mebyon ha moy myrghes.

1 Kroniklys 14:3 ပူးပေါင်းရင်းမြစ်များ

2 Samuel 5:13

Ha Davydh a gemmeras ragdho iswragedh ha gwragedh moy yn-mes a Yerusalem, wosa ev dhe dos dhiworth Hebron; ha mebyon ha myrghes moy a veu dineythys dhe Davydh.

1 Myghternedh 11:3

Yn mysk y wragedh yth esa seyth kans pennseviges ha tri hans iswreg; ha'y wragedh a dreylyas dhe-ves y golonn.

1 Kroniklys 14:2

Davydh a gonvedhas an Arloedh dh'y fastya avel myghtern war Ysrael, ha dhe ughelhe y vyghterneth a-barth y bobel Ysrael.

1 Kroniklys 14:4

An re ma yw henwyn an fleghes a veu dineythys dhodho yn Yerusalem: Shammua, Shobab, Nathan, Solomon,

1 Kroniklys 28:5

A oll ow mebyon (rag Arloedh re ros dhymm lies mab) ev re dhewisas Solomon ow mab dhe esedha war dron myghterneth an Arloedh war Ysrael.

Ekklesiastes 9:9

Bydh lowen y'th vewnans gans dha wreg veurgerys oll an dydhyow a'th vewnans euver re ros dhis Duw yn-dann an howl, oll an dydhyow a'th euveredh, rag henn yw dha rann y'th vewnans, hag a'th lavur a wre'ta dhe oberi yn-dann an howl.

Malaki 2:14

Hwi a lever, ‘Prag?’ Rag an Arloedh yw test yntra jy ha gwreg dha yowynkneth, a-ban derrsys fydh gensi, kynth yw hi dha gowethyades, an wreg a'th kevambos demmedhyans.

Matthew 19:8

Yn-medh ev dhedha, ‘Moyses a wrug agas gasa dhe dhidhemmedhi agas gwragedh drefenn kaletter agas kolonn, mes ny veu yndella a'n dalleth.

Dewteronomi 17:17

Na vedhes dhodho y honan benynes pals, ma na dreyl y golonn a-denewen; na kavoes dhodho y honan meur a arghans hag owr.