1 Kroniklys 14:15 - An Bibel Kernewek 20234 (Kernewek Kemmyn)

¹⁵ Pan glewydh son avel keskerdh yn penn an gwydh balsam, ena ke yn-mes dhe'n vatel; rag Duw res eth yn-mes a-dheragos dhe weskel lu an Filistysi.’

1 Kroniklys 14:15 ပူးပေါင်းရင်းမြစ်များ

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

2 Myghternedh 19:7

Ottavy ow korra ynno spyrys, ha pan glew kyhwedhel ev a dhehwel dh'y bow y honan; ha my a wra dhodho koedha der an kledha yn y bow y honan.” ’

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

1 Kroniklys 14:14

Pan wovynnas Davydh orth Duw arta, Duw a leveris dhodho, ‘Ny edh yn-bann war aga lergh; ke a-dro a-dryv dhedha ha deus warnedha a-dal an gwydh balsam.

1 Kroniklys 14:16

Davydh a wrug dell erghis Duw dhodho, hag i a weskis lu an Filistysi dhiworth Gibeon bys yn Gezer.

Ysay 13:4

Son routh y'n menydhyow, haval dhe bobel vras; son tervans gwlaskordhow, kenedhlow kuntellys war-barth: yma Arloedh an luyow ow kuntell lu rag bresel.

Levitikus 26:36

Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Oberow 2:2

hag a-dhesempis y teuth mes a nev tros kepar ha gwyns nerthek ha hwyflyn, hag ev a lenwis oll an chi mayth ens esedhys,

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

Breusysi 4:14

Ena Debora a leveris dhe Barak, ‘Yn-bann! Rag hemm yw an jydh may ros an Arloedh Sisera y'th leuv. Yn tevri yma an Arloedh ow mos yn-mes a-ragos.’ Ytho Barak eth yn-nans a venydh Tabor gans deg mil wour orth y holya.

Breusysi 7:15

Pan glewas Gideon derivas an hunros ha'y styr, ev a wordhyas. Ev a dhehwelis dhe gamp Ysrael, hag a leveris, ‘Sevewgh yn-bann; rag an Arloedh re ros kamp Midyan yn agas leuv.’

Breusysi 7:9

Y'n keth nos an Arloedh a leveris dhodho, ‘Sa'bann hag omsett erbynn an kamp; rag my re'n ros y'th leuv.