1 Kroniklys 13:6 - An Bibel Kernewek 20234 (Kernewek Kemmyn)

⁶ Davydh hag oll Ysrael eth yn-bann dhe Baala, henn yw, dhe Kiryath-yearim yn tiredh Yuda, dhe dhri yn-bann alena argh Duw, yw henwys re hanow an Arloedh neb a esedh war an cherubim.

1 Kroniklys 13:6 ပူးပေါင်းရင်းမြစ်များ

1 Myghternedh 8:16

“A-dhia'n jydh may tres vy ow fobel Ysrael yn-mes a Ejyp, ny dhewisis sita vyth yn-mes a loethow Ysrael rag drehevel ow chi ynni, may fe ow hanow ena; mes my a dhewisas Davydh dhe vos a-ugh ow fobel Ysrael.”

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Niverow 6:27

Yndellma i a wra gorra ow hanow war vebyon Ysrael ha my a wra aga benniga.

Niverow 7:89

Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.

Yoshua 15:60

Kiryath-baal (honn yw, Kiryath-yearim), ha Rabba: diw sita gans aga godrevow.

Yoshua 15:9

Alena an or a ystynnas dhiworth gwartha an menydh dhe fenten dowrow Neftoagh, ow mos yn-mes orth sitys menydh Efron; ha'n or a ystynnas dhe Baala (honn yw Kiryath-yearim).

Yoshua 9:17

Ytho an Ysraelysi eth yn-rag ha dos dh'aga sitys y'n tressa dydh. Aga sitys o Gibeon, Kefira, Beeroth, ha Kiryath-yearim.

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.

1 Samuel 6:21

Hag i a dhannvonas kannasow dhe dus Kiryath-yearim, ow leverel, ‘An Filistysi re dhaskorras argh an Arloedh, Dewgh yn-nans ha kemmerewgh hi yn-bann dhywgh.’