1 Kroniklys 13:11 - An Bibel Kernewek 20234 (Kernewek Kemmyn)

¹¹ Davydh a veu serrys drefenn an Arloedh dhe dardha yn-mes erbynn Uzza; hag ev a elwis an tyller na Peres-uzza, dell yw bys y'n jydh hedhyw.

1 Kroniklys 13:11 ပူးပေါင်းရင်းမြစ်များ

Jenesis 32:32

Rag henna ny vynn mebyon Ysrael dybri giowenn an nervenn yn kraw an glun bys y'n jydh hedhyw, rag ev a weskis kraw klun Yakob, yn giowenn an nervenn.

2 Samuel 6:7

Sorr Duw a dhewis erbynn Uzza; ha Duw a'n gweskis dhe'n dor ena drefenn y volder; hag ev a verwis ena ryb argh Duw.

2 Samuel 6:9

Davydh a borthas own a'n Arloedh y'n jydh na, ha leverel, ‘Fatell yll argh an Arloedh dos dhymm?’

1 Kroniklys 13:10

Sorr an Arloedh a dhewis erbynn Uzza, hag ev a'n weskis dhe'n dor rag ev dhe worra y leuv war an argh; hag ev a verwis ena a-rag Duw.

1 Kroniklys 13:12

Davydh a borthas own a Dhuw y'n jydh na ha leverel, ‘Fatell allav dri argh Duw tre dhymm?’

1 Kroniklys 15:13

Drefenn na's dugowgh hwi an kynsa prys, an Arloedh agan Duw a dardhas warnan, drefenn na hwilsyn dhiworto y'n vaner ordenys.’

Eksodus 19:22

Hag ynwedh gas dhe'n oferysi a dheu nes dhe'n Arloedh omsakra ma na dartho an Arloedh warnedha.’

Yona 4:4

Mes an Arloedh a leveris, ‘Yw da, ty dhe vos serrys?’

Yona 4:9

Ha Dhuw a leveris dhe Yona, ‘Yw da, ty dhe vos serrys a-dro dhe'n risinenn?’ Yn-medh ev, ‘Da yw my dhe vos serrys, bys y'n mernans.’

Dewteronomi 34:6

Ev a'n ynkleudhyas y'n nans yn pow Moab, a-dal Beth-peor, mes denvyth ny woer tyller y vedh bys y'n jydh hedhyw.

Yoshua 4:9

Yoshua a settyas yn-bann an dewdhek men re bia yn kres an Yordan y'n tyller may sevis treys an oferysi a dhug argh an kevambos; hag ymons i ena bys y'n jydh ma.