1 Kroniklys 12:39 - An Bibel Kernewek 20234 (Kernewek Kemmyn)

³⁹ I a spenas tri dydh ena gans Davydh, ow tybri hag owth eva, rag aga breder re dharbarsa dhedha.

1 Kroniklys 12:39 ပူးပေါင်းရင်းမြစ်များ

Jenesis 26:30

Hag ev a wrug kevewi ragdha, hag i a dhybris hag eva.

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 19:42

Hag oll gwer Yuda a worthybis gwer Ysrael, ‘Drefenn bos an myghtern neshevin dhyn. Ytho prag yth owgh serrys a-dro dhe'n mater ma? A dhyb'syn ni vyth orth kost an myghtern, po a ros ev dhyn neb ro?’

2 Samuel 6:19

Hag ev a lesrannas dhe oll an bobel, dhe oll routh Ysrael, dhe bub gour ha benyn, unn torth-vara, unn rann a gig, hag unn desenn-rappys. Ena oll an bobel a dhibarthas, pubonan dh'y ji.

1 Kroniklys 11:10

An re ma o pennow kasoryon Davydh, a ri dhodho skoedhyans krev yn y vyghterneth, war-barth hag oll Ysrael, dh'y wul myghtern war-lergh ger an Arloedh a-dro dhe Ysrael.

1 Kroniklys 12:38

Oll an gasoryon ma, arayys rag batel, a dheuth dhe Hebron a leun golonn dhe wul Davydh myghtern war oll Ysrael; keffrys oll remenant Ysrael o unnver dhe wul Davydh myghtern.

1 Kroniklys 12:40

Ynwedh aga hentrevogyon mar bell dhe-ves avel Yssakar, Zebulun ha Naftali a dhros boes war asenes, war gowrvergh, war vulyon ha war oghen. Yth esa palster a vleus, tesennow a figys, tesennow a rappys ha gwin hag oyl, oghen ha deves, rag yth esa lowena yn Ysrael.