1 Kroniklys 12:18 - An Bibel Kernewek 20234 (Kernewek Kemmyn)

¹⁸ Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

1 Kroniklys 12:18 ပူးပေါင်းရင်းမြစ်များ

2 Samuel 15:21

Mes Ittay a worthybis dhe'n myghtern, ha leverel, ‘Dell vew an Arloedh, ha dell vew ow arloedh an myghtern, plepynag may fo an myghtern, kyn fo yn mernans po yn bewnans, ena ynwedh y fydh dha was.’

2 Samuel 17:25

Lemmyn Absalom re settsa Amasa yn le Yoab war an lu. Amasa o mab gour henwys Yether an Yshmaelyas neb a alsa a-ji dhe Abigayl, myrgh Nahash myrgh Seruya mamm Yoab.

2 Samuel 19:13

Ha leverewgh dhe Amasa, “A nyns osta ow askorn ha'm hig? Re wrello Duw dhymm, ha moy ynwedh, mar ny vydhydh kaslewydh ow lu a-ragov prest yn le Yoab.” ’

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

1 Myghternedh 9:22

Mes ny gethhas Solomon nagonan a'n Ysraelysi; yth ens y soudoryon, y soedhogyon, y gaslewydhyon, y gaptenyon ha hembrenkysi y jarettow ha'y varghoglu.

2 Myghternedh 10:15

Wosa dhiberth alena ev a vetyas orth Yehonadab mab Rekab ow tos dhe vetya orto; ev a'n salusis ha leverel dhodho, ‘Yw dha golonn len, kepar dell yw ow holonn len dhis?’ Yehonadab a worthybis, ‘Yw.’ ‘Mars yw, roy dhymm dha leuv.’ Hag ev a ros dhodho y leuv; hag ev a'n drehevis dhodho y'n charett.

2 Myghternedh 10:5

Ytho menystrer an palys, governour an sita, an henavogyon ha'n withysi, a dhannvonas messaj dhe Yehu, ow leverel, ‘Dha wesyon on, ha ni a wra pup-tra a bysydh. Ny wren dhe dhenvyth bos myghtern; gwra an pyth yw ewn y'th tewlagas.’

2 Myghternedh 9:32

Ev a dhrehevis y fas dhe'n fenester ha leverel, ‘Piw eus a-barth dhymm? Piw?’ Ha dew po tri spadhesik a viras yn-nans orto.

1 Kroniklys 11:11

Hemm yw rol kasoryon Davydh: Yashobeam an Hakmonyas, penn an tri; gans y wuw ev a ladhas tri hans yn unn prysweyth.

1 Kroniklys 12:17

Davydh eth yn-mes dhe vetya gansa, hag yn-medh ev dhedha, ‘Mar teuvewgh dhymm yn spyrys kres dhe'm gweres, ow holonn a vydh onan genowgh; mes mar teuvewgh dhe'm trayta dhe'm eskerens kyn nag eus drogober y'm diwla, re'gas gwello Duw agan tasow ha'gas keredhi.’

1 Kroniklys 2:17

Abigayl a dhineythis Amasa, ha tas Amasa o Yether, an Yshmaelyas.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Matthew 12:30

Neb nag yw genev, er ow fynn yma, ha neb na guntell genev, skoellya y hwra.

Galatianys 6:16

Ha kemmys a gerdh war-lergh an rewl ma, re bo kres warnedha ha tregeredh, ha war Ysrael Duw.

Breusysi 13:25

Spyrys an Arloedh a dhallathas movya ynno yn Mahane-dan, yntra Sora hag Eshtaol.

Breusysi 3:10

Spyrys an Arloedh a dheuth warnodho, hag ev a vreusi Ysrael; ev eth dhe vresel, ha'n Arloedh a ros Kushan-rishathaym myghtern Aram yn y leuv; ha'y leuv a's tevo maystri war Kushan-rishathaym.

Breusysi 6:34

Mes spyrys an Arloedh a dheuth war Gideon; hag ev a hwythas an hirgorn ha'n Abiezrysi a veu gelwys dh'y holya.

Ruth 1:16

Hag yn-medh Ruth, ‘Na bled genev dha asa, dhe dreylya dhiworth dha lergh, rag plepynag yth ylli, yth av; ha plepynag yth osti, yth ostyav; dha bobel a vydh ow fobel ha dha Dhuw a vydh ow Duw.

1 Samuel 16:4

Ha Samuel a wrug an pyth a erghis an Arloedh dhodho, ha dos dhe Bethlehem. Ha henavogyon an dre a grenas orth y dhevedhyans, ha leverel, ‘Osta devedhys yn kres?’

1 Samuel 16:5

Hag yn-medh ev, ‘Yn kres; my re dheuth dhe sakrifia dhe'n Arloedh; omsakrewgh ha dewgh genev dhe'n sakrifis.’ Hag ev a sakras Yesse ha'y vebyon ha'ga gelwel dhe'n sakrifis.

1 Samuel 22:7

Sowl a leveris dh'y wesyon esa ow sevel a-dro dhodho, ‘Goslowewgh lemmyn, hwi Benyaminysi; a vynn mab Yesse ri dhywgh hwi oll parkow ha gwinlannow, a vynn ev agas gul hwi oll kaptenyon a vilyow ha kaptenyon a gansow?

1 Samuel 24:12

Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.

1 Samuel 24:13

Kepar dell lever henlavar an dus koth, “Dhiworth tebelwesyon a dheuth yn-rag sherewynsi”; mes ny vydh ow leuv er dha bynn.

1 Samuel 24:16

Wosa Davydh dhe worfenna kewsel an geryow ma orth Sowl, Sowl a leveris, ‘Yw hemma dha lev, ow mab Davydh?’ Ha Sowl a dhrehevis y lev hag oela.

1 Samuel 8:12

hag ev a apoynt ragdho y honan kaslewydhyon a vilyow ha kaslewydhyon a hanter-kansow, hag erell dhe aras y dhor ha mysi y drevas, ha dhe wul y arvow a vresel ha daffar y jarettow.