1 Kroniklys 12:17 - An Bibel Kernewek 20234 (Kernewek Kemmyn)

¹⁷ Davydh eth yn-mes dhe vetya gansa, hag yn-medh ev dhedha, ‘Mar teuvewgh dhymm yn spyrys kres dhe'm gweres, ow holonn a vydh onan genowgh; mes mar teuvewgh dhe'm trayta dhe'm eskerens kyn nag eus drogober y'm diwla, re'gas gwello Duw agan tasow ha'gas keredhi.’

1 Kroniklys 12:17 ပူးပေါင်းရင်းမြစ်များ

Jenesis 31:42

Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

1 Myghternedh 2:13

Ena Adoniya mab Haggith a dheuth dhe Bathsheba mamm Solomon. Ha hi a leveris, ‘A wre'ta dos yn kres?’ Yn-medh ev, ‘Yn kres.’

2 Myghternedh 10:15

Wosa dhiberth alena ev a vetyas orth Yehonadab mab Rekab ow tos dhe vetya orto; ev a'n salusis ha leverel dhodho, ‘Yw dha golonn len, kepar dell yw ow holonn len dhis?’ Yehonadab a worthybis, ‘Yw.’ ‘Mars yw, roy dhymm dha leuv.’ Hag ev a ros dhodho y leuv; hag ev a'n drehevis dhodho y'n charett.

2 Myghternedh 9:22

Pan welas Yoram Yehu, ev a leveris, ‘Eus kres, Yehu?’ Hag ev a worthybis, ‘Py kres, ha kemmys horyansow dha vamm Yezebel ha'y fystriow pals?’

1 Kroniklys 12:16

Re a vebyon Benyamin ha Yuda a dheuth dhe'n dinas dhe Davydh.

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Salmow 86:11

Dysk dhymm dha fordh, A Arloedh, ha my a gerdh y'th wirder; lowenhes ow holonn, mayth ownniv dha hanow.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Zekaria 3:2

An Arloedh a leveris dhe Satnas, ‘An Arloedh re'th kerettho, Satnas! An Arloedh, usi ow tewis Yerusalem, re'th kerettho! A nyns yw hemma yttew tennys mes a'n tan?’

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

1 Peder 2:23

Pan veu drokhenwys, ny dhrokhenwis yn attal. Pan wodhevis, ny vraggyas, mes yth omgommyttyas dhe neb a vreus yn hwiryon.

Lyther Yud 1:9

Pan argyas an arghel Mighal yn-dann strivya gans an jowl a-dro dhe gorf Moyses, ny vedhas ev ri breus a vlasfemi er y bynn, mes leverel, ‘Re'th kerettho an Arloedh’,

1 Samuel 16:4

Ha Samuel a wrug an pyth a erghis an Arloedh dhodho, ha dos dhe Bethlehem. Ha henavogyon an dre a grenas orth y dhevedhyans, ha leverel, ‘Osta devedhys yn kres?’

1 Samuel 18:1

Pan worfennsa Davydh kewsel dhe Sowl, enev Yonathan a veu kelmys orth enev Davydh, ha Yonathan a'n kara avel y enev y honan.

1 Samuel 18:3

Ena Yonathan a wrug ambos gans Davydh, drefenn ev dh'y gara avel y enev y honan.