1 Kroniklys 11:23 - An Bibel Kernewek 20234 (Kernewek Kemmyn)

²³ Ynwedh ev a ladhas Ejyptyan, gour pymp kevelin y ughelder. An Ejyptyan a'n jeva yn y leuv guw kepar ha gwelenn gwiader; mes Benaya a settyas warnodho gans fust, ha kibya an guw yn-mes a leuv an Ejyptyan, ha'y ladha gans y wuw y honan.

1 Kroniklys 11:23 ပူးပေါင်းရင်းမြစ်များ

1 Kroniklys 11:24

Yndella o gwriansow Benaya mab Yehoyada, gerys-da yn-mysk an deg warn ugens.

1 Kroniklys 20:5

Yth esa bresel arta gans an Filistysi hag Elhanan mab Yair a ladhas Lahmi broder Goliath an Gittyas, mayth o sheft y wuw o kepar ha gwelenn gwiader.

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

1 Samuel 17:4

Hag y teuth yn-mes a gamp an Filistysi kampyer, ha'y hanow Goliath a Gath, neb o hwegh kevelin ha dornva yn ughelder.

1 Samuel 17:51

Rakhenna Davydh a boenyas ha sevel war an Filistyas; ev a dhalghennas y gledha, ha'y denna mes a'y woen, ha'y ladha; ena ev a droghas dhe-ves y benn dredho. Pan welas an Filistysi bos aga hampyer marow, i a fias.

1 Samuel 17:7

Sheft y wuw o kepar ha gwelenn gwiader, ha poes penn y wuw o hwegh kans shekel a horn; ha'y skoeswas eth a-dheragdho.