1 Kroniklys 11:10 - An Bibel Kernewek 20234 (Kernewek Kemmyn)

¹⁰ An re ma o pennow kasoryon Davydh, a ri dhodho skoedhyans krev yn y vyghterneth, war-barth hag oll Ysrael, dh'y wul myghtern war-lergh ger an Arloedh a-dro dhe Ysrael.

1 Kroniklys 11:10 ပူးပေါင်းရင်းမြစ်များ

2 Samuel 3:21

Hag Abner a leveris dhe Davydh, ‘Gas vy dhe sevel ha mones, ha my a guntell oll Ysrael dhe'm arloedh an myghtern, may hyllons gul kevambos genes, ha may hyllydh reynya war bup-tra a dhesir dha golonn.’ Ytho Davydh a dhannvonas Abner dhe-ves; hag ev eth yn kres.

1 Kroniklys 11:3

Oll henavogyon Ysrael a dheuth dhe'n myghtern yn Hebron, ha Davydh a wrug kevambos gansa yn Hebron a-rag an Arloedh, hag i a untyas Davydh myghtern war Ysrael, war-lergh ger an Arloedh dre Samuel.

1 Kroniklys 12:21

I a weresas Davydh erbynn bagasow a ravnoryon; rag i oll o kasoryon alloesek ha kaslewydhyon y'n lu.

1 Kroniklys 12:23

An re ma yw niverow an wer parys rag batel a dheuth dhe Davydh yn Hebron rag treylya myghterneth Sowl dhodho, war-lergh ger an Arloedh.

1 Kroniklys 12:24

Mebyon Yuda ow toen skoes ha guw o hwegh mil parys rag batel.

1 Kroniklys 12:38

Oll an gasoryon ma, arayys rag batel, a dheuth dhe Hebron a leun golonn dhe wul Davydh myghtern war oll Ysrael; keffrys oll remenant Ysrael o unnver dhe wul Davydh myghtern.

1 Kroniklys 12:39

I a spenas tri dydh ena gans Davydh, ow tybri hag owth eva, rag aga breder re dharbarsa dhedha.

1 Kroniklys 27:1

Homm yw rol an Ysraelysi, pennow teyluyow, kaptenyon milyow ha kansow ha'ga soedhogyon a servya an myghtern yn pup-tra ow tochya dhe'n rannow a dho a-ji hag e yn-mes mis wosa mis dre der oll misyow an vlydhen. Pub rann a's tevo peswar mil wour warn ugens.

1 Kroniklys 28:1

Myghtern Davydh a guntellas yn Yerusalem oll soedhogyon Ysrael, pennow an loethow, pennow an rannow a servya an myghtern, kaptenyon milyow, kaptenyon kansow, an soedhogyon a'n jevo charj a oll an pythow hag a oll chatel an myghtern ha'y vebyon, war-barth gans soedhogyon an palys, an gasoryon hag oll an vreselyoryon golonnek.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’