1 Kroniklys 10:9 - An Bibel Kernewek 20234 (Kernewek Kemmyn)

⁹ I a'n pilyas ha kemmeres y benn ha'y arvow; ha dannvon kannasow dre bow an Filistysi dhe dhoen an nowodhow da dh'aga idolys ha dhe'n bobel.

1 Kroniklys 10:9 ပူးပေါင်းရင်းမြစ်များ

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

1 Kroniklys 10:10

I a worras y arvow yn chi aga duwow ha fastya y grogen dhe ji Dagon.

1 Kroniklys 10:4

Ena Sowl a leveris dhe dheger y arvow, ‘Tenn dha gledha ha gwan vy ganso, ma na dheffo an wer antrodreghys ma ha gul ges ahanav.’ Mes ny vynnas deger y arvow, drefenn ev dhe berthi own yn feur. Ytho Sowl a gemmeras y gledha y honan ha koedha warnodho.

1 Kroniklys 10:8

Ternos an Filistysi a dheuth dhe bilya an re varow, hag i a gavas korf Sowl ha'y vebyon koedhys war venydh Gilboa.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Matthew 14:11

Ha'y benn a veu degys war dallyour hag a veu res dhe'n vowes ha hi a'n dug dh'y mamm.