1 Kroniklys 10:7 - An Bibel Kernewek 20234 (Kernewek Kemmyn)

⁷ Pan glewas oll an Ysraelysi esa y'n nans y fisa an lu, ha Sowl ha'y vebyon dhe vos marow, i a asas aga sitys ha fia; ha'n Filistysi a dheuth ha triga ynna.

1 Kroniklys 10:7 ပူးပေါင်းရင်းမြစ်များ

1 Kroniklys 10:6

Yndella Sowl a verwis ha'y dri mab, hag oll y deylu a verwis war-barth.

1 Kroniklys 10:8

Ternos an Filistysi a dheuth dhe bilya an re varow, hag i a gavas korf Sowl ha'y vebyon koedhys war venydh Gilboa.

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Levitikus 26:36

Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:43

An alyon usi trigys yntredhowgh a yskynn a-ughos moy ha moy ughel; ha ty a dhiyskynn moy ha moy isel.

Breusysi 6:2

Leuv Midyan a arwaskas Ysrael; ha drefenn Midyan mebyon Ysrael a wrug ragdha aga honan skovvaow yn savnow y'n menydhyow, ha fowys ha dinasow.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.

1 Samuel 31:7

Pan welas gwer Ysrael esa a'n tenewen arall dhe'n nans ha'n re esa dres an Yordan, gwer Ysrael dhe fia, ha bos Sowl ha'y vebyon marow, i a forsakyas aga sitys, ha fia; ha'n Filistysi a dheuth ha triga ynna.