1 Kroniklys 10:14 - An Bibel Kernewek 20234 (Kernewek Kemmyn)

¹⁴ ha ny hwilas gidyans dhiworth an Arloedh. Rakhenna ev a'n ladhas, ha treylya an vyghterneth a-dro dhe Davydh mab Yesse.

1 Kroniklys 10:14 ပူးပေါင်းရင်းမြစ်များ

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

1 Kroniklys 12:23

An re ma yw niverow an wer parys rag batel a dheuth dhe Davydh yn Hebron rag treylya myghterneth Sowl dhodho, war-lergh ger an Arloedh.

1 Kroniklys 17:13

My a vydh tas dhodho, hag ev a vydh mab dhymm. Ny gemmerav ow thregeredh dhiworto, kepar dell y's kemmeris dhiworth dha ragresegydh,

1 Kroniklys 2:12

Boaz a dhineythis Obed, hag Obed a dhineythis Yesse.

2 Kroniklys 16:12

Y'n nownsegves blydhen warn ugens a'y reyn, Asa a borthas kleves yn y dhewdroes, ha gyllys sevur o; byttegyns kyn y'n jevo y gleves, ny hwilas an Arloedh, mes ev a hwilas gweres gans an vedhogyon.

Lavarow Koth 17:13

Mar attal nebonan drog rag da, nyns a drog nevra dhiworth y ji.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 10:7

Mes nyns yw hemma y vodh, na ny breder y golonn yndella; mes yma yn y golonn dhe dhistrui ha dhe dreghi dhe-ves kenedhlow nag yns nebes.

Yoshua 9:14

Ytho an wer a gemmeras rann a'ga boes, ha ny wovynnsons kusul orth ganow an Arloedh.

1 Samuel 13:14

mes lemmyn ny wra dha wlaskor durya; an Arloedh re hwilas ragdho gour war-lergh y golonn y honan, ha'n Arloedh re'n apoyntyas dhe vos rewler war y bobel, drefenn na withsys an pyth a erghis an Arloedh dhis.’

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 28:17

Ha'n Arloedh re wrug kepar dell gewsis der ow leuv; rag an Arloedh re skwardyas an wlaskor mes a'th leuv, ha'y ri dhe'th kentrevek, Davydh.

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.