1 Korinthianys 9:16 - An Bibel Kernewek 20234 (Kernewek Kemmyn)

¹⁶ Rag mar pregowthav an aweyl, ny'm beus skila dhe vostya, rag dever yw gorrys warnav: go-vy mar ny bregowthav an aweyl!

1 Korinthianys 9:16 ပူးပေါင်းရင်းမြစ်များ

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 20:7

A Arloedh, ty re'm dynyas, ha my a veu dynys: ty a'm gwaskas yn krev, ha ty re fethas: skornys ov pub dydh, pubonan a wra ges ahanav.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Amos 3:8

An lew re usas: piw ny'n jevydh own? An Arloedh Duw re gewsis: piw ny brofoes?

Amos 7:15

ha'n Arloedh a'm kemmeras dhiworth holya an flokk, ha'n Arloedh a leveris dhymm: “Ke, gwra profoesa dhe'm pobel Ysrael.”

Matthew 25:16

Hag ev neb a dhegemmeras an pymp talent eth ha kenwertha gansa hag a wrug prow a bymp moy.

Luk 9:62

Hag yn-medh Yesu dhodho, ‘Nyns yw gwiw dhe servya gwlaskor Duw an den neb a worro y leuv war an arader, ha mires war-dhelergh.’

Oberow 4:20

rag ny yllyn ni omwitha rag kewsel a-dro dhe'n taklow re welsyn ha klewes.’

Oberow 9:15

Mes an Arloedh a leveris dhodho, ‘Ty ke, drefenn bos hemma ow mayn dewisys rag doen ow hanow a-dherag an Jentilys ha myghternedh ha mebyon Ysrael;

Oberow 9:6

Mes sav yn-bann, ke a-ji dhe'n sita, ha leverys vydh dhis an pyth a dhelledh ty dhe wul.’

Romanyon 1:14

Dhe Grekys keffrys ha dhe varbares, dhe'n re fur keffrys ha'n re foll yth ov kendoner:

Romanyon 15:17

Bostya a'm beus yn Yesu Krist rag an gonis rag Duw.

Romanyon 4:2

Rag mar peu Abraham justifiys der oberow, ev a'n jeves bostya, marnas a-rag Duw.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

1 Korinthianys 9:12

Mar kevrenn re erell an gwir ma warnowgh, a ny wren ni hwath dhe voy? Byttegyns, ny wrussyn devnydh a'n gwir ma, mes ni a berth pup-tra kyns es gorra lett yn fordh aweyl Krist.

1 Korinthianys 9:14

Y'n keth vaner, an Arloedh a worhemmynnis y koedh dhe'n re neb a bregoth an aweyl kavoes aga fygans der an aweyl.

2 Korinthianys 2:12

Pan dheuth vy dhe Troas rag aweyl Krist, daras a veu igerys dhymm gans an Arloedh;

Kolossianys 4:17

Ha leverewgh dhe Arghippus, ‘Mir dhe'th oberenn a dhegemmersys y'n Arloedh, ma's kollenwi hi.’

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.