1 Korinthianys 9:15 - An Bibel Kernewek 20234 (Kernewek Kemmyn)

¹⁵ Mes ny wrug vy devnydh a dravyth a'n gwiryow ma, na ny skrifis vy rag gwaynya traow a'n par na. Merwel a vynnsen kyns es dell gemmerro nebonan dhiworthiv ow skila dhe vostya!

1 Korinthianys 9:15 ပူးပေါင်းရင်းမြစ်များ

Matthew 18:6

‘Mes piwpynag a wrello dhe onan a'n re vyghan ma trebuchya, neb a grys ynnov, gwell via dhodho mar pe kregys men-melin meur a-dro dh'y gonna ha'y vos beudhys yn downder an mor.

Oberow 18:3

ha drefenn y vos a'n keth kreft ev a drigas gansa, hag yth esa owth oberi; rag gwrioryon a dyldow ens i a'ga kreft.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 20:33

Ny hwensis vy arghans nag owr na dillas denvyth;

Oberow 20:34

hwi agas honan a woer an dhiwla ma dhe venystra dhe'm edhommow vy hag edhommow an re esa genev.

Oberow 8:3

Mes yth esa Sowl ow ravna an eglos; hag owth entra yn chi wosa chi, ev a dhraylya dhe-ves ha gwer ha benynes ha'ga gorra yn prison.

1 Korinthianys 4:12

ha ni a lavur ow konis gans agan diwleuv agan honan; tebeldhyghtys, ni a vennik; helghys, ni a wodhev:

1 Korinthianys 9:12

Mar kevrenn re erell an gwir ma warnowgh, a ny wren ni hwath dhe voy? Byttegyns, ny wrussyn devnydh a'n gwir ma, mes ni a berth pup-tra kyns es gorra lett yn fordh aweyl Krist.

1 Korinthianys 9:18

Pyth, ytho, yw ow gober? Hemma: ha my ow pregoth, my a yll gul dhe'n aweyl bos heb kost vyth, ha my heb gul devnydh kowal a'm gwir y'n aweyl.

1 Thessalonianys 2:9

Rag hwi a berth kov, a vreder, a'gan lavur ha'gan hwel. Owth oberi dydh ha nos ma na worren begh warnowgh, ni a bregowthas dhywgh aweyl Duw.

2 Thessalonianys 3:8

ha ny wren ni dybri bara dhiworth denvyth heb pe, mes gans hwel ha lavur dydh ha nos, owth oberi na worren begh war dhenvyth ahanowgh.