1 Korinthianys 9:14 - An Bibel Kernewek 20234 (Kernewek Kemmyn)

¹⁴ Y'n keth vaner, an Arloedh a worhemmynnis y koedh dhe'n re neb a bregoth an aweyl kavoes aga fygans der an aweyl.

1 Korinthianys 9:14 ပူးပေါင်းရင်းမြစ်များ

Matthew 10:10

na skryp rag an hyns, na diw bows nag eskisyow na lorgh vytholl; rag an oberwas a dhervynn y voes.

Luk 10:7

Gortewgh y'n keth chi na ow tybri hag owth eva pypynag a rollons, rag gwiw dhe'n oberwas yw y arveth. Na wrewgh sommys a unn chi dhe ji arall.

Luk 10:8

Ha dhe by sita pynag yth ellowgh, hag i a'gas wolkomm, dybrewgh an pyth yw gorrys a-ragowgh;

Oberow 18:3

ha drefenn y vos a'n keth kreft ev a drigas gansa, hag yth esa owth oberi; rag gwrioryon a dyldow ens i a'ga kreft.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

1 Korinthianys 9:11

Mar konedhsyn ni has a daklow spyrysel yntredhowgh, yw tra veur mar mysyn agas dader a'n bys ma?

1 Korinthianys 9:12

Mar kevrenn re erell an gwir ma warnowgh, a ny wren ni hwath dhe voy? Byttegyns, ny wrussyn devnydh a'n gwir ma, mes ni a berth pup-tra kyns es gorra lett yn fordh aweyl Krist.

1 Korinthianys 9:16

Rag mar pregowthav an aweyl, ny'm beus skila dhe vostya, rag dever yw gorrys warnav: go-vy mar ny bregowthav an aweyl!

1 Korinthianys 9:4

A nyns eus dhyn gwir a dhybri hag a eva?

2 Korinthianys 2:12

Pan dheuth vy dhe Troas rag aweyl Krist, daras a veu igerys dhymm gans an Arloedh;

Galatianys 6:6

Neb yw katekumenus y'n ger, kevrennes gans an dyskador yn pup-tra yw da.

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.