1 Korinthianys 9:13 - An Bibel Kernewek 20234 (Kernewek Kemmyn)

¹³ A ny wodhowgh hwi an re arvethys y'n tempel dhe gavoes aga boes dhiworth an tempel, ha'n re ow servya orth an alter dhe gevrenna an pyth re beu offrynnys?

1 Korinthianys 9:13 ပူးပေါင်းရင်းမြစ်များ

Levitikus 21:22

mes ev a yll dybri bara y Dhuw, an taklow moyha sans, ha'n taklow sans.

Levitikus 22:7

Pan vo an howl sedhys, ev a vydh glan, ha wosa henna ev a dheber a'n taklow sans rag i yw y voes.

Levitikus 6:26

An oferyas neb a'n offrynn rag pegh, a'n deber. Y fydh dybrys yn tyller sans, yn klos tylda an kuntelles.

Levitikus 7:31

An oferyas a lesk an blonek war an alter, mes an vronn a vydh dhe Aron ha'y vebyon.

Niverow 18:31

ha hwi a yll y dhybri yn pub tyller pynag, hwi ha'gas tiogethyow; rag yth yw agas gober rag agas servis yn tylda an kuntelles.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

1 Korinthianys 10:18

Mirewgh orth usadow Ysrael: a nyns yw an re a dheber an sakrifisow kevrennoryon a'n alter?

1 Korinthianys 9:24

A ny wodhowgh hwi bos an resoryon oll yn resegva ow kesstrivya, mes ny dhendil an gober marnas onan? Y'n for' ma gwrewgh ma'n kyffowgh.

Dewteronomi 10:9

Rakhenna ny veu dhe Levi rann nag eretons gans y vreder; an Arloedh yw y eretons kepar dell gewsis an Arloedh dha Dhuw dhodho.)

1 Samuel 2:28

My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.