1 Korinthianys 8:6 - An Bibel Kernewek 20234 (Kernewek Kemmyn)

⁶ hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

1 Korinthianys 8:6 ပူးပေါင်းရင်းမြစ်များ

Ysay 46:9

Perthewgh kov a'n taklow koth a henys; rag my yw Duw, ha nyns eus ken; my yw Duw, ha nyns eus onan haval dhymm,

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Yona 1:9

Yn-medh ev dhedha, ‘Ebrow ov vy, ha my a berth own a'n Arloedh, Duw an nev, neb a formyas an mor ha'n tir sygh.’

Malaki 2:10

A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Yowann 1:10

Yth esa ev y'n bys, ha'n bys a veu gwrys ganso, ha ny'n aswonnis an bys.

Yowann 1:3

Pup-tra a veu gwrys ganso, ha hebdho ny veu gwrys travyth a veu gwrys.

Yowann 10:30

My ha'm Tas yw onan.’

Yowann 13:13

Hwi a'm gelow Mester hag Arloedh, ha hwi a gews yn ta, rag yndella yth ov.

Yowann 14:20

Y'n jydh na hwi a wodhvydh my dhe vos y'm Tas, ha hwi ynnov vy, ha my ynnowgh hwi.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Oberow 17:28

Rag “Ynno ev ni a vew ha gwaya ha kavoes agan bosva.” Par dell leveris re a'gas berdh, “Rag ni ynwedh yw y askorr.”

Oberow 2:36

Rakhenna, godhvydhes oll chi Ysrael diogel, Duw re'n gwrug hag Arloedh ha Krist, an keth Yesu ma a growssowgh hwi.’

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Romanyon 11:36

Rag anodho ha dredho ha dhodho yma pup-tra. Dhodho re bo gordhyans bys vykken!

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 12:3

Rakhenna my a afydh dhywgh na lever denvyth ‘Milliges re bo Yesu’ hag ev ow kewsel dre Spyrys Duw, keffrys na yll denvyth leverel ‘Yesu yw an Arloedh’ marnas der an Spyrys Sans.

1 Korinthianys 6:13

‘Boes rag an benn-gasenn, ha'n benn-gasenn rag boes’, ha Duw a dhistru ha'n eyl ha'y gila. Nyns yw an korf rag fornikasyon mes rag an Arloedh, ha'n Arloedh rag an korf.

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 3:14

Ytho, my a bleg an dhewlin a-dherag an Tas,

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 4:39

Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

Dewteronomi 6:4

Klew, Ysrael: An Arloedh agan Duw, yw unn Arloedh;

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.