1 Korinthianys 8:3 - An Bibel Kernewek 20234 (Kernewek Kemmyn)

³ mes nebonan mar kar Duw, aswonnys ganso yth ywa.

1 Korinthianys 8:3 ပူးပေါင်းရင်းမြစ်များ

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Eksodus 33:12

Moyses a leveris dhe'n Arloedh, ‘Mir, ty a lever dhymm, “Doro an bobel ma yn-bann”; mes ny'm gessys dhe wodhvos piw a dhannvonydh genev. Hwath re leversys, “My a'th aswonn dre hanow, ha ty re gavas gras y'm golok.”

Eksodus 33:17

Ha'n Arloedh a leveris dhe Moyses, ‘An keth tra ma re gewssys, my a'n gwra; rag ty re gavas gras y'm golok, ha my a'th aswonn dre hanow.’

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Matthew 7:23

Hag ena my a dheklar dhedha, “Bythkweth ny'gas aswonnis; diberthewgh dhiworthiv, hwi dhrogoberoryon!”

Yowann 10:14

My yw an bugel da, ha my a aswonn ow deves ow honan, ha'm re ow honan a'm aswonn vy.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Romanyon 11:2

Ny dewlis Duw y bobel dhe-ves neb a ragaswonnis ev. Po a ny wodhowgh hwi pandr'a lever an skryptor a-dro dhe Elias, fatell bys ev Duw erbynn Ysrael?

1 Korinthianys 13:12

Rag lemmyn, ni a wel yn gweder, yn tewl, mes ena fas orth fas; lemmyn my a woer yn rann, mes ena my a wra aswonn yn tien, kepar dell ov vy aswonnys yn tien.

1 Korinthianys 2:9

Mes, dell yw skrifys, ‘An pyth na welas lagas bythkweth ha na glewas skovarn ha na dheuth yn kolonn mab-den, an pyth re beu darbarys gans Duw dhe'n re a'n kar’ –

Galatianys 4:9

mes y'n eur ma owth aswonn Duw, mes moy yn tevri aswonnys gans Duw, fatell esowgh ow treylya arta war-tu ha'n elvennow gwann hag ydhil, may fynnowgh bos arta kethyon dhedha avel kyns?

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Yowann 4:19

Ni a gar drefenn ev dh'agan kara kynsa.

1 Yowann 4:7

Hwi garadowyon, keryn an eyl y gila: rag yma kerensa a Dhuw; ha pubonan a gar yw genys a Dhuw, hag a aswonn Duw.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 2:19

‘My a aswonn dha wriansow ha'th kerensa ha'th fydh ha'th wasonieth ha'th perthyans; ha'th wriansow wortiwedh yw moy es dha wriansow wor'talleth.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.