Rag yma spadhesigyon a veu genys yndella a-dhia dorr aga mamm, hag yma spadhesigyon a veu spadhys gans tus, hag yma spadhesigyon a spadhsons aga honan a-barth gwlaskor nev. Neb a yll degemmeres hemma, gwres ev y dhegemmeres.’
An dra a goedhas y'n spern, yth yw an re a glewas, ha pan vons yn-rag tegys yns gans an fienasow ha'n rychys ha'n plesours a vewnans, ha ny dhegons frut adhves.
Mes mar temmedhydh, ny beghydh, ha gwyrghes mar temmedh, ny begh. Byttegyns an re a dhemmedh a's teves poenvos y'n kig, ha'gas gwitha rakhenna a vynnsen.
Mar tyb nebonan y vos owth omdhegi heb onester dh'y wyrghes, mars yw hi dres hy yowynkneth, ha mar tegoedh, gwres a vynno: nyns yw peghes, i demmedhens.
Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.
Y'n keth vaner lavar dhe'n benynes koth mayth omdhokkons dell dhegoedh dhe sansoleth heb sklandra, heb bos kethesow dhe veur a win, mes dyskadoresow a'n pyth yw da,