1 Korinthianys 6:9 - An Bibel Kernewek 20234 (Kernewek Kemmyn)

⁹ A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

1 Korinthianys 6:9 ပူးပေါင်းရင်းမြစ်များ

Jenesis 19:5

hag i a elwis Lot ha leverel dhodho, ‘Ple'ma an wer a dheuth dhis nyhewer? Doro i yn-mes dhyn ni, may hwryllyn aga aswonn.’

Eksodus 23:1

Ny wredh leverel fals dherivas. Na worr dha leuv gans tebelwas, dhe vos fals dhustunier.

Lavarow Koth 11:1

Fals vantol yw tra gasadow dhe'n Arloedh, mes poes ewn yw y dhelit.

Lavarow Koth 22:8

Neb a has kammhynseth a vys terroes, ha gwelenn y sorr a fyll.

Lavarow Koth 7:27

Hy chi yw an fordh dhe ifarn, ow tiyskynna dhe jambouryow ankow.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ezekiel 18:11

(kyn na wrug an tas nagonan anedha), mes ynwedh ev a dheber war an menydhyow ha defola gwreg y gentrevek,

Levitikus 18:20

Ha ny wredh growedha yn reydhel gans gwreg dha gentrevek, owth omdhefola gensi.

Levitikus 18:22

Ny wredh growedha gans gorreydh kepar ha gans benynreydh. Tra gasadow yw.

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Levitikus 20:13

Mar krowedh gour gans gorreydh dell wrowedh gans benynreydh, aga dew re wrug tra gasadow. I a vydh gorrys dhe'n mernans yn sur. Aga goes a vydh warnedha.

Zekaria 5:3

Ena ev a leveris dhymm, ‘Homm yw an volleth usi ow mos yn-mes war enep oll an tir; rag herwydh an skrif war unn tenewen, pub lader a vydh pellhes, ha herwydh skrif an tenewen arall pubonan a wowli a vydh pellhes.

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Luk 21:8

Yn-medh ev, ‘Gwaytyewgh ma na vowgh toellys; rag lies a dheu y'm hanow vy ow leverel, “My yw”, hag “An termyn re nesas.” Na holyewgh war aga lergh.

Oberow 20:32

Ha lemmyn my a'gas kommend dhe Dhuw ha dhe er y ras, a yll drehevel ha ri an eretons yn mysk oll an re sanshes.

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Romanyon 1:18

Rag diskwedhys yw sorr Duw dhiworth nev erbynn oll ansansoleth ha kammhynseth a dus a lett an gwirder yn kammhynseth.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

1 Korinthianys 15:50

Hemma my a lever, breder: kig ha goes ny yllons erita gwlaskor Duw, na podredhes ny erit anpodredhes.

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

1 Korinthianys 5:10

– kammenn nag yw ow styr an re dhijast y'n bys ma, po tus pith ha ladron wyls, po gordhyoryon idolys, rag y'n kas na res via dhywgh mos mes a'n bys.

1 Korinthianys 5:11

Mes lemmyn my re skrifas dhywgh na gowetthyowgh gans nagonan, hag ev gelwys broder, yw den dijast, po den pith, po gordhyer idolys, po sklandrer, po medhow, po lader gwyls; byth na dhybrewgh gans den a'n par na.

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

1 Korinthianys 6:18

Gohelewgh fornikasyon. Py pegh arall pynag a wrello den, yn-mes a'n korf yma; mes neb yw dijast a begh erbynn y gorf y honan.

1 Korinthianys 6:19

A ny wodhowgh hwi bos agas korf tempel an Spyrys Sans a-bervedh ynnowgh, hag a'gas beus dhiworth Duw? Ny berghennowgh agas honan;

1 Korinthianys 9:24

A ny wodhowgh hwi bos an resoryon oll yn resegva ow kesstrivya, mes ny dhendil an gober marnas onan? Y'n for' ma gwrewgh ma'n kyffowgh.

2 Korinthianys 12:21

own a'm beus, pan dhov arta, ow Duw dhe'm uvelhe a-ragowgh, ha my dhe alari a-dro dhe lies a'n re neb re beghas kyns, heb kavoes edrek a'n plosedhes, nag a fornikasyon na drokhwans re wrussons.

Galatianys 6:7

Na vedhewgh toellys: ny vydh Duw skornys. Rag pypynag a wra den y hasa, an keth henna a wra ev y vysi;

Dewteronomi 22:22

Mars yw gour kevys ow krowedha gans benyn yw demmedhys gans gorti, ytho an dhew a verow, an gour ow krowedha gans an venyn, ha'n venyn. Yndella ty a garth an drog dhiworth Ysrael.

Dewteronomi 22:5

Na wiskes benyn dillas gour, ha gour na wiskes mantell benyn, drefenn kasadow dhe'n Arloedh yw pubonan a wra henna.

Dewteronomi 23:17

Na vedhes hora-tempel a vyrghes Ysrael, na hora-tempel gorow a vebyon Ysrael.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

Ebrowyon 12:16

ma na vo nagonan plosek nag ansans avel Esaw a werthas y wir-genesik rag unn prys boes.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Jamys 1:16

Na vedhewgh toellys, ow breder veurgerys.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

Breusysi 19:22

Pan esens ow lowenhe, gwer an sita, tebelwesyon, a gylghyas an chi hag a dhallathas frappya war an daras. I a leveris dhe'n kothwas, mester an chi, ‘Dro yn-mes an gour a dheuth y'th chi rag may hyllyn kesya ganso.’