1 Korinthianys 6:18 - An Bibel Kernewek 20234 (Kernewek Kemmyn)

¹⁸ Gohelewgh fornikasyon. Py pegh arall pynag a wrello den, yn-mes a'n korf yma; mes neb yw dijast a begh erbynn y gorf y honan.

1 Korinthianys 6:18 ပူးပေါင်းရင်းမြစ်များ

Levitikus 15:18

Ha mar krowedh gour gans benyn, hag y fydh dyllans has, i a omwolgh aga dew yn dowr ha pesya avlan bys y'n gorthugher.

Romanyon 1:24

Yndella Duw a's gasas yn drokhwansow aga holonn, dhe blosedhes, dhe dhisenora aga horf yntredha,

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

2 Korinthianys 12:21

own a'm beus, pan dhov arta, ow Duw dhe'm uvelhe a-ragowgh, ha my dhe alari a-dro dhe lies a'n re neb re beghas kyns, heb kavoes edrek a'n plosedhes, nag a fornikasyon na drokhwans re wrussons.

Galatianys 5:19

Oberow an kig yw apert; an re ma yw fornikasyon, mostedhes, fara direwl,

Efesianys 5:3

Mes fornikasyon ha pub plosedhes po krefni, na vedhens henwys yn agas mysk, kepar dell dhelledh dhe syns.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

1 Thessalonianys 4:3

Rag hemm yw bodh Duw, agas sansheans, hwi dhe omwitha rag fornikasyon,

1 Thessalonianys 4:5

heb passhyon drokhwans kepar ha'n Jentilys na aswonn Duw;

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.