1 Korinthianys 6:12 - An Bibel Kernewek 20234 (Kernewek Kemmyn)

¹² ‘Lafyl yw pup-tra dhymm’, mes nyns yw pup-tra hag yw dhe les. ‘Lafyl yw pup-tra dhymm’, mes ny vynnav bos dres yn-dann vaystri travyth.

1 Korinthianys 6:12 ပူးပေါင်းရင်းမြစ်များ

Levitikus 15:18

Ha mar krowedh gour gans benyn, hag y fydh dyllans has, i a omwolgh aga dew yn dowr ha pesya avlan bys y'n gorthugher.

Yowann 5:10

Ytho an Yedhewon a leveris dhe'n den a veu yaghhes, ‘An sabot yw, ha nyns yw lafyl dhis ty dhe dhoen dha weli.’

Romanyon 7:14

Rag ni a woer an lagha dhe vos a'n spyrys; mes a'n kig ov, gwerthys yn keth dhe begh.

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

1 Korinthianys 9:12

Mar kevrenn re erell an gwir ma warnowgh, a ny wren ni hwath dhe voy? Byttegyns, ny wrussyn devnydh a'n gwir ma, mes ni a berth pup-tra kyns es gorra lett yn fordh aweyl Krist.

1 Korinthianys 9:27

mes my a gronk ow horf ha'y wul gostydh, ma na viv evy, wosa pregoth dhe re erell, gelwys anwiw.

2 Thessalonianys 3:9

Nyns on ni heb galloes, mes may ryllyn ni ensampel dhywgh may hallowgh gul war agan lergh.

Lyther Yud 1:12

An re ma yw kudhys, kepar dell vens i morgribow, yn agas prysyow-boes a gerensa, hag a wra kevewya heb own kepar ha bugeledh owth omvaga: kommolennow heb dowr, degys hwymm-hwamm gans an awelyow, gwydhennow yn kynyav helergh heb frut vyth, diwweyth marow, diwreydhys;