1 Korinthianys 6:11 - An Bibel Kernewek 20234 (Kernewek Kemmyn)

¹¹ Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

1 Korinthianys 6:11 ပူးပေါင်းရင်းမြစ်များ

Salmow 51:2

Golgh vy yn tien a'm anewnder, ha glanha vy dhiworth ow fegh.

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Ysay 45:25

Y'n Arloedh y fydh ewnheans ha bostyans dhe oll an has a Ysrael.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Levitikus 14:48

Ha mar teu an oferyas a-bervedh ha'y hwithra ha ny wrug an pla omlesa y'n chi wosa an chi dhe vos plastrys, an oferyas a dhest bos an chi glan, rag yaghhes yw an pla.

Levitikus 8:6

Ha Moyses a dhros Aron ha'y vebyon ha'ga golghi gans dowr.

Matthew 20:4

hag yn-medh ev dhedha, “Ewgh hwi ynwedh y'n winlann ha pypynag oll a vo ewn my a'n re dhywgh hwi.”

Luk 18:14

My a lever dhywgh, an den ma a dhehwelis tre justifiys, a-der an den arall; rag peub a omughelha a vydh dres isel, mes neb a omiselha a vydh ughelhes.’

Yowann 13:10

Yn-medh Yesu dhodho, ‘Neb yw golghys, nyns eus dhodho edhomm a wolghi marnas an treys, mes ev yw glan yn tien; ha hwi yw glan, mes nyns owgh hwi oll.’

Yowann 13:8

Yn-medh Peder dhodho, ‘Nevra ny wolghydh ow threys evy’ Yesu a worthybis dhodho, ‘Mar ny wrav vy dha wolghi, nyns eus dhis rann genev vy.’

Yowann 5:4

Rag el an Arloedh e yn-nans y'n poll herwydh an seson ha trobla an dowr; ha'n kynsa den ow mos ynno wosa gwayans an dowr a veu yaghhes a by kleves pynag esa dhodho.

Oberow 13:39

hag dredho ev pubonan a grys yw akwitys dhiworth pup-tra oll ma na yllewgh bos akwitys dhiworto dre lagha Moyses.

Oberow 22:16

Lemmyn, prag y hokydh? Sav yn-bann, bydh besydhys ha golgh dhe-ves dha beghosow, ow kelwel war y hanow.”

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Romanyon 3:24

justifiys yns gans y ras yn ro, der an daspren usi yn Krist Yesu,

Romanyon 4:5

Ha dhe neb na lavur mes neb a drest ynno ev neb a justifi an den ongrassyes, y reknir y fydh avel ewnder.

Romanyon 5:1

Rag a-ban on justifiys dre fydh, kres a'gan beus gans Duw der agan Arloedh Yesu Krist

Romanyon 5:9

Ytho a-ban on justifiys gans y woes, dhe voy y fydhyn selwys dredho a gonnar Duw.

Romanyon 8:30

Ha'n re a ragdhestnas, ev a's elwis ynwedh; ha'n re a elwis, ev a's justifias ynwedh; ha'n re a justifias, ev a's glorifias ynwedh.

Romanyon 8:33

Piw a guhudh an re dewisys gans Duw? Duw yw hag a akwit.

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

1 Korinthianys 12:2

Dell wodhowgh, pan ewgh hwi paganys, dynys vewgh, ledys yn stray dhe idolys avlavar, yn py fordh pynag y fewgh ledys.

Galatianys 2:16

ow konvedhes nag yw denvyth ewnhes der oberow a'n lagha mes dre fydh yn Krist Yesu, ha nyni a grysis yn Krist Yesu, may fen ni justifiys dre fydh yn Krist hag a-der der oberow a'n lagha; rag ny vydh kig vytholl justifiys der oberow a'n lagha.

Galatianys 3:11

Apert yw nag yw denvyth justifiys der an lagha a-wel dhe Dhuw, rag ‘An den gwiryon a vew dre fydh.’

Galatianys 3:24

ytho an lagha o agan mester orth agan dri war-tu ha Krist, rag may fen ni justifiys dre fydh;

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Efesianys 5:26

ma's gwrella sans, orth hy glanhe dre wolghas an dowr der an ger,

Efesianys 5:8

rag kyns yth ewgh hwi tewlder, mes lemmyn golow y'n Arloedh. Kepar ha fleghes golow gwrewgh hwi kerdhes

2 Thessalonianys 2:13

Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth rag selwyans dre sansheans an spyrys ha kryjyans y'n gwir.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 2:11

Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

1 Yowann 2:12

My a skrif dhywgh hwi, fleghigyow, drefenn bos gevys dhywgh agas peghosow a-barth y hanow ev.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.