1 Korinthianys 6:10 - An Bibel Kernewek 20234 (Kernewek Kemmyn)

¹⁰ na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

1 Korinthianys 6:10 ပူးပေါင်းရင်းမြစ်များ

Lavarow Koth 7:27

Hy chi yw an fordh dhe ifarn, ow tiyskynna dhe jambouryow ankow.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Yeremia 7:11

Yw an chi ma, may feu ow hanow gelwys warnodho, devedhys ha bos fow ladron yn agas golok? Otta, my ow honan re'n gwelas, yn-medh an Arloedh.

Ezekiel 22:13

Otta, my re weskis ow diwla war-barth erbynn dha wayn anewn re wrussys hag erbynn an goes skoellys genes y'n kres ahanas.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:29

Pobel an tir re arwaskas ha ladra; i re debeldhyghtyas an boghosek ha'n edhommek, hag arwaska an alyon, ow nagha gwirvreus.

Matthew 21:19

Hag ow kweles unn figbrenn ryb an fordh, ev a dheuth dhodho, mes ny gavas travyth warnodho saw unnsel delyow, hag yn-medh ev dhodho, ‘Na dhes frut dhiworthis na fella bys vykken!’ Ha dihwans an figbrenn a wedhras.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Yowann 12:6

Ny leveris hemma rag bos dhodho bern a-barth an voghosogyon, mes rag ev dhe vos lader, hag ev a witha an pors, ha ladra an pyth o gorrys ynno.

Oberow 20:32

Ha lemmyn my a'gas kommend dhe Dhuw ha dhe er y ras, a yll drehevel ha ri an eretons yn mysk oll an re sanshes.

1 Korinthianys 15:50

Hemma my a lever, breder: kig ha goes ny yllons erita gwlaskor Duw, na podredhes ny erit anpodredhes.

1 Korinthianys 5:11

Mes lemmyn my re skrifas dhywgh na gowetthyowgh gans nagonan, hag ev gelwys broder, yw den dijast, po den pith, po gordhyer idolys, po sklandrer, po medhow, po lader gwyls; byth na dhybrewgh gans den a'n par na.

Galatianys 5:21

avi, medhwenep, kevewiow gwyls, ha traow a'n par na. Anedha my a lever dhywgh lemmyn, kepar dell wrugavy leverel kyns, oll an re a wrello taklow a'n par ma ny wrons erita gwlaskor Duw.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

Efesianys 5:5

Godhvydhewgh hemma: denvyth ow kul fornikasyon, na den plos, na den kraf, henn yw gordhyer idolys, ny'n jeves eretons yn gwlaskor Krist ha Duw.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.

1 Peder 4:15

Mes na wres denvyth ahanowgh godhevel avel denledhyas, na lader, na drogoberer, na mellyer yn negys tus erell.