1 Korinthianys 5:11 - An Bibel Kernewek 20234 (Kernewek Kemmyn)

¹¹ Mes lemmyn my re skrifas dhywgh na gowetthyowgh gans nagonan, hag ev gelwys broder, yw den dijast, po den pith, po gordhyer idolys, po sklandrer, po medhow, po lader gwyls; byth na dhybrewgh gans den a'n par na.

1 Korinthianys 5:11 ပူးပေါင်းရင်းမြစ်များ

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Salmow 101:5

Neb a gabel y gentrevek yn priva a wrav vy dhe dhistrui. Neb yw ughel y dhewlagas ha goethus y golonn ny wrav vy y wodhevel.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Matthew 18:17

ha mara skon ev dhedha, deriv an dra dhe'n eglos; ha mara skon ev hwath dhe'n eglos, ev bedhes dhiso avel pagan po toller.

Matthew 23:25

‘Go-hwi, skribys ha Fariseow, falswesyon, rag hwi a lanha tu a-ves an hanaf ha'n skudell, mes an tu a-bervedh yw leun a arowder ha fowt omrewl.

Luk 18:11

An Farise a sevis ha pysi yndella orto y honan: “Duw, my a woer gras dhis nag ov vy avel tus erell, ladron, tus gammhynsek, avoutroryon, nag ynwedh avel an toller ma.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 9:17

Hag Ananias eth dhe-ves hag entra y'n chi, hag ow korra y dhiwla warnodho ev a leveris, ‘Broder Sowl, an Arloedh re'm dannvonas, Yesu neb a omdhiskwedhas dhis y'n fordh may teuthys, may hwylli arta, ha bos lenwys a'n Spyrys Sans.’

Romanyon 13:13

Omdhegyn yn onest dell wren y'n jydhweyth, heb bos yn kevewiow gwyls na medhwynsi, heb bos yn dijastita na drokhwansow direwl, heb bos yn kedrynna na perthi avi.

Romanyon 16:17

My a'gas pys, breder, omwithewgh orth an re a wra folsyow hag offensys a-der an dyskas a dhys'sowgh, ha treylyewgh a-dhiworta.

1 Korinthianys 10:14

Rakhenna, ow haradowyon, fiewgh dhiworth gordhyans idolys.

1 Korinthianys 11:21

rag, dhe brys boes, pub huni a gemmer y goen heb gortos, ha rakhenna an eyl a'n jeves nown, y gila yw medhow.

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

1 Korinthianys 6:6

Mes broder yw breusys erbynn broder, ha hemma dherag diskryjygyon!

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

1 Korinthianys 7:12

Dhe'n re erell y lavarav evy (nyns yw an Arloedh): broder mara'n jeves gwreg dhiskryjyk ha hy owth assentya triga ganso, ny goedh dhodho diberth dhiworti;

1 Korinthianys 7:15

Mes mar omdhiberth an diskryjyk, bedhes diberthys; yn kas a'n par na nyns yw kelmys na'n broder na'n hwoer. Rag yn kres Duw re'gas gelwis.

1 Korinthianys 8:11

Ytho, dre dha wodhvos, distruys yw an den gwann, an broder may ferwis Krist ragdho.

Galatianys 2:12

Rag kyns neb tus dhe dhos dhiworth Jamys, ev a dhybri gans an Jentilys; mes pan dheuthons i, ev a omdennas ha diberth ow perthi own a dus an trodreghyans.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

Efesianys 5:5

Godhvydhewgh hemma: denvyth ow kul fornikasyon, na den plos, na den kraf, henn yw gordhyer idolys, ny'n jeves eretons yn gwlaskor Krist ha Duw.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

2 Thessalonianys 3:14

Ha mars eus den na vo gostydh dh'agan ger der an lyther, merkyewgh an den ma, na wrewgh kowethya ganso may fo meth gorrys ynno.

2 Thessalonianys 3:6

Ni a ergh dhywgh a vreder, yn hanow agan Arloedh Yesu Krist mayth omdennowgh dhiworth pub broder a gerdh yn tiek heb siwya an hengov a dhegemmersons dhiworthyn ni.

1 Timothi 3:3

heb eva re nag omdhal, mes klor, ha digavyllek, heb kara mona;

1 Timothi 6:5

ha'n dadhlow heb worfenn a dus legrys aga brys, ha'n gwir kemmerys dhiworta i, a dyb sansoleth dhe vos mayn rag kavoes gwayn arghansek.

2 Yowann 1:10

Mar teu nebonan dhywgh heb dri an dyskas ma, na'n degemmerewgh yn agas chi na'n salusewgh.

Diskwedhyans 2:14

Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.

Diskwedhyans 2:20

Byttegyns, yma genev hemma er dha bynn: ty dhe asa an venyn na Yezebel a elow hy honan profoeses dhe dhyski ha dynya ow gwesyon dhe wul fornikasyon ha dybri taklow offrynnys dhe idolys.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.