1 Korinthianys 4:8 - An Bibel Kernewek 20234 (Kernewek Kemmyn)

⁸ Y'n eur ma lenwys owgh hwi! Y'n eur ma deuvewgh ha bos rych! A-der ni, hwi re dheuth ha bos myghternedh! Hag unnweyth a pewgh hwi myghternedh yn hwir, may kesreynnyen ni genowgh!

1 Korinthianys 4:8 ပူးပေါင်းရင်းမြစ်များ

Lavarow Koth 13:7

Unn den a omwra rych, mes ny'n jeves travyth, onan arall a omwra boghosek, pan y'n jeves pyth meur.

Lavarow Koth 25:14

Avel kommol ha gwyns heb glaw yw gour a vost a ro, heb y ri.

Ysay 5:21

Go-i neb yw skentel yn aga dewlagas aga honan, ha konnyk yn aga golok aga honan.

Yeremia 28:6

ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma.

Niverow 11:29

Mes Moyses a leveris dhodho, ‘A berthydh avi a'm govis vy? A pe pobel oll an Arloedh profoesa, may hworro an Arloedh y spyrys warnedha!’

Matthew 5:1

Ha pan welas an routhow, ev a yskynnas dhe'n menydh, ha wosa ev dhe esedha y dhyskyblon a dheuth dhodho;

Luk 6:25

Go-hwi, yw lenwys lemmyn, rag hwi a berth nown. Go-hwi a hwerth lemmyn, rag hwi a gyn hag oela.

Oberow 26:29

Hag yn-medh Powl, ‘Spys po berr po hir, my a bys Duw, ty hag ynwedh keniver a'm glew hedhyw mayth ellons ha bos kepar ha my, marnas an chaynys ma.’

Romanyon 12:3

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

1 Korinthianys 1:5

rag yn pub fordh hwi re beu gwrys kevoethek ynno ev, yn kows ha skentoleth a bub eghenn –

1 Korinthianys 4:18

Lemmyn, re ahanowgh deuva ha bos goethus, kepar ha pan na ven ow tos dhywgh.

1 Korinthianys 5:6

Agas bostyans nyns yw da. A ny wodhowgh hwi y hwra tamm goell dhe oll a'n toes sevel?

2 Korinthianys 11:1

Unnweyth a'm godhaffewgh nebes y'm follneth! mes yn tevri yth esowgh orth ow kodhevel.

2 Korinthianys 13:9

Rag ni a lowenha pan on ni gwann, ha hwi krev; keffrys ni a bys hemma: agas keweras.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

Diskwedhyans 3:17

Rag ty a lever, “Rych ov vy, ha my re sewenis, ha nyns eus edhomm vyth dhymmo vy”; ha ny wodhesta dha vos truedhek, ha pitethus, ha boghosek, ha dall ha noeth.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’