1 Korinthianys 4:7 - An Bibel Kernewek 20234 (Kernewek Kemmyn)

⁷ Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

1 Korinthianys 4:7 ပူးပေါင်းရင်းမြစ်များ

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Luk 19:13

Ev a elwis deg a'y gethwesyon ha ri dhedha deg mina ha leverel dhedha, “Kenwerthewgh gansa bys pan dhov.”

Yowann 1:16

Rag a'y leunder ni oll re dhegemmeras, ha gras war ras;

Yowann 3:27

Yowann a worthybis ha leverel, ‘Ny yll den degemmeres travyth, marnas henna a vo res dhodho dhiworth an nevow.

Romanyon 1:5

may kemmersyn gras hag abostolieth dredho rag dri gostytter fydh yn mysk oll an kenedhlow a-barth y hanow ev,

Romanyon 12:3

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

Romanyon 12:6

Ha dhyn ni rohow herwydh an gras re beu res dhyn, hag i dihaval: neb a brofoes, re brofoesso herwydh myns an fydh;

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

1 Korinthianys 3:5

Ytho, pyth yw Apollos? Pyth yw Powl? Gwesyon dredha may kryssowgh par dell ros an Arloedh dhe gettep onan.

1 Korinthianys 5:6

Agas bostyans nyns yw da. A ny wodhowgh hwi y hwra tamm goell dhe oll a'n toes sevel?

1 Korinthianys 7:7

Hwans a'm beus pub den oll dhe vos avelov vy ow honan; mes yma gans peub y ro arbennik y honan dhiworth Duw; an eyl a'n jeves hemma, y gila henna.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Peder 4:10

Dell dhegemmeras pubonan ahanowgh ro, gwrewgh devnydh anodho an eyl rag y gila kepar ha rennysi dha a'n gras divers a Dhuw.